ست مش بتاعة طلاق.. رضوى الشربيني تكشف موقف لقاء الخميسي من زوجها
وجهت الإعلامية رضوى الشربيني للفنانة إيمان الزيدي، رسالة حادة على خلفية إعلان الأخيرة انفصالها عن لاعب الزمالك السابق محمد عبد المنصف، زوج الفنانة لقاء الخميسي.
تعليق رضوى الشربيني
وخلال حلقة برنامجها هي وبس، وجهت رضوى الشربيني حديثها مباشرة إلى إيمان الزيدي، قائلة: “فين صور الزواج يا فنانة، كنا نحب نشوف حضرتك بصور الزواج قبل صور الطلاق”.
وأضافت: “وحضرتك بتتجوزي من الكابتن، هل كنتِ عارفة إنه متزوج بقاله 21 سنة، ومتزوج من مين؟ وهل حضرتك قاعدة 7 سنين زوجة ثانية غصب عنك؟ وهل حضرتك اتفقتِ مع الكابتن وإنتو بتتجوزوا في السر من 7 سنين لما تتطلقوا يبقى الطلاق في العلن؟”.
وتابعت رضوى الشربيني تساؤلاتها قائلة:
“هل حضرتك أخدتي بالك من وقع الخبر على الست اللي بقالها 21 سنة متزوجة وعندها ولدين، ووقع الخبر على أولادها وصحابهم وجيرانهم وقرايبهم؟”.
موقف لقاء الخميسي
وفي السياق نفسه، حسمت رضوى الشربيني موقف الفنانة لقاء الخميسي من الأزمة، مؤكدة عبر البرنامج أن لقاء ما زالت مستمرة في زواجها من محمد عبد المنصف، وقالت: “لقاء الخميسي مستمرة في زواجها من عبد المنصف، وبتقول أنا مش ست بتاعت طلاق”.
ونقلت رضوى الشربيني على لسان لقاء الخميسي قولها: “أنا اتربيت في أسرة كلها تسامح، واتعلمت إني أغفر، وعبد المنصف علمني حاجات كتير طول الـ 21 سنة تخليني أقعد معاه وأعاتب لكن متطلقش”.
وأضافت: “إيمان الزيدي بتقول لنا إنها اتجوزت عبد المنصف 7 سنين واتطلقت منه، فين صورة الزواج يا فنانة؟ هو بيبقى إشهار في الطلاق بس؟ الزواج فيه إشهار، نحب نشوف صورتك في الزواج قبل الطلاق، انتِ خضتينا يا فنانة”.
وأكدت رضوى الشربيني أن لقاء الخميسي سامحت زوجها، وانتهت أزمة زواجه بسيدة أخرى، موضحة: “لقاء الخميسي مستمرة في زواجها، وبتقول أنا مش ست بتاعة طلاق، ومش من أول حاجة غلط عملها هقف له عليها، وأنا اتربيت في أسرة بتقول إننا نسامح وإني أغفر له”.
واختتمت رضوى الشربيني حديثها بالتأكيد على أن لقاء الخميسي اختارت الحفاظ على أسرتها، قائلة: “عبد المنصف عملي حاجات كتير أوي في 21 سنة زواج، وكل ده بيقول إني أقعد معاه وأعاتب عليه لكن منوصلش للطلاق، ومفيش أي تعليق على الخبر، لأن عبد المنصف زوجته سامحته وعاوزة تكمل، وقالت هحافظ على بيتي وأولادي”.