سادت حالة من الهرج والمرج، بمستشفى بنها الجامعي، بعد مغادرة طبيب العظام المستشفى، بسبب العدد الكبير من المرضى، حيث وصل عدد الكشف لأكثر من 150 مريض، وبينهم عدد كبير من الأطفال.

وتقول "أم إبراهيم":" ابني وقع على رجله جبته المستشفى، علشان أكشف عليه لقيت العيادة زحمة جدًا، وكنت رقم 96 وكان في ناس تانية رقمها 160، وكان الأمن هو اللى بينظم الدخول وعند الكشف رقم 60 الأمن زهق ومشي".

واستكملت قائلة:" وشوية والدكتور قال مش هكشف على العدد ده كله، وساب العيادة وخرج وجت الممرضة وقالت الدكتور خرج شوية وراجع تانى، انتظرنا فترة محدش جه الناس بدأت تمشي، وأخدت ابنى ورحت كشفت عليه بره مش عارفة إزاى دى مستشفى".

وقالت "إلهام":"ابني طفل صغير عنده سنتين وقع من على السلم أيده ورمت جيت بيه المستشفى لقيتها زحمة جدًا، وكان رقمي 140 إلا أننا تفاجئنا بالدكتور زهق وقال مش هكشف على حد تاني وساب العيادة ومشى اضطريت أروح اكشف بره".