برلماني: «في ناس بتمضي شيكات على نفسها للسمسار عشان تسافر»
السبت 24/سبتمبر/2016 - 12:33 ص
أسماء صبحي
طباعة
علق محمود عطية، عضو مجلس النواب، على غرق مركب الهجرة برشيد، قائلا:"الناس الأول كان شباب أصبحت أسر كاملة فى المركب وكان أفارقه الأول بالتسهيل بتدخل مصر وكمان مبقوش شباب بقوا عيال 15 سنة فهو لا وصل لدرجة أنه عنده مشكلة في مصر في الشغل".
وأضاف عطية، خلال حواره في برنامج "الحياة اليوم" عبر قناة "الحياة" اليوم الجمعة، قائلا: "الناس بقيت تشتري مركب والمركب مبترجعش تاني ومفيش سلامة بحرية ولانقل بحري فنوع الوسيلة اتغيرت والشكل اللي اتعاملت به الحكومة والإعلام والنواب والسلطة في الأزمة عبر الثلاثة أيام الماضيين، ففي توليفه جديدة لتحليل القصة احنا وصلنا لفين غير الأسباب الاقتصادية والتوعية وبرغم كل الإجراءات اللي حصلت عبر 50 سنة اللي فاتت موصلتش لدرجة اننا نبطل بدليل ان مفيش حد من إيطاليا بيجي مصر هربان بمركب".
وتابع: "في ناس بتمضي شيكات على نفسها للسمسار عشان تسافر ولو مرجعش أهله بيدفعوا ووصلنا لأن العيلة كلها بتكون تحت طائلة القانون عشان هوس السفر والغربة والإجراءات الحكومية في الأيام اللي فاتت غير كافية خدت كتير عقبال ماانتشلوا الجثث والمعاملة في المستشفى".
