دعي أحمد حسن، نجم منتخب مصر والزمالك والأهلي السابق، إلى الوقوف بجانب البلاد، وتحدي الظروف الصعبة التي تمر بها.

كتب "الصقر" عبر صفحته الشخصية علي موقع التواصل الإجتماعي "فيس بوك" قائلًا:"على الرغم من كل الظروف الصعبة اللي بنعيشها من غلاء وارتفاع الاسعار ومشاكل كتير، بس قعدت أفكر لو كل واحد فكر في حاجة ايجابية يعملها ويقف بيها جنب بلده، بجد أعتقد ان الحال هيتغير للأحسن ولو لبعض الشئ، النهاردة ان شاء الله عندي تكريم من نادي اندرلخت، والحمد لله بتربطني علاقة حب كبيرة مع هذا النادي وجماهيره منذ تواجدي باللعب في هذا النادي، ففكرت وقولت لية ما أعملش حاجة تساعد بلدي بشكل محترم يحفظ كرامتنا قدام الناس".

وأضاف "العميد" قائلًا:"عملت تي شيرت اشكر النادي وجماهيره علي التكريم وحسن الاستقبال وأبعث رسالة تدعم السياحة والأمن بشكل محترم ولائق، المباراة بيحضرها فوق العشرين ألف داخل الاستاد وبيشوفها ملايين من خلال التلفاز غير السوشيال ميديا اللي بتنقل الأحداث".

وأختتم كلامه قائلًا:"شكرا لنادي أندرلخت والجماهير العظيمة، وأهلا ومرحبا بكم في أرض السلام مصر"، ده التي شيرت اللي هظهر بيه ان شاء الله في أرض الملعب واللي هوزعه علي الجماهير في المباراة أثناء التكريم، ويارب الفكرة تيجي بنتيجة ويبقي عملنا حاجة نساعد بيها بلدنا ونعلم الأجيال القادمة معني الانتماء ، وأعتقد أن رغم كل الظروف اللي بنمر بيها لكن بلدنا تستحق".