طباعة

شن مرتضى منصور، رئيس نادي الزمالك، هجومًا على مختلف المسئولين في الوسط الرياضي، بعد إعلانه الانسحاب من بطولة الدوري عقب مباراة الأهلي ومصر للمقاصة الأخيرة، اعتراضًا على الأخطاء التحكيمية لإبراهيم نور الدين واتهامه بالتحيز للأهلي.

ويبرز "المواطن"، في السطور القادمة، الشخصيات التي هاجمها مرتضى بعد إعلانه الانسحاب:

محمد عبد السلام، رئيس نادي مصر للمقاصة: أنت خرجت برتبة رائد مش لواء وشعرك ملزق، وللأسف كان بيلعب في الزمالك قبل كده..مش عارف كان بيلعب "بلي" ولا ايه.

رضا البلتاجي، رئيس لجنة الحكام: المفروض محسوب علينا لكن الوضع لا يستحمل بقائه، اتحاد الكرة جايب "خازوق" كبير ومقعدينيك عليه، وهناك مؤامرة من الحكام عليك.

مدحت شلبي: هيتحاسب..ويا أحنا يا مدحت...ولازم مدحت يرجع يقعد في البيت..انت واخد موقف غير طبيعي..الناس كلها مستفزة من نور الدين..وأنت عامل حملة بقالك يومين بتدافع عنه..هي قضية طلاق عشان تحلف اللاعب على المصحف.

محمد عبد الوهاب: ملكش دعوة بالزمالك، ودفاعك عن إبراهيم نور الدين يعني انك متواطئ معه.

إبراهيم نور الدين: لو قولتلك اتحاد الكرة بيقول عليك إيه مش هتنزل من البيت، ولا تراجع عن قرار إيقافك.

هاني أبو ريدة: أنا محافظ على العيش والملح لحد دلوقتي ولو اتكلمت هقول كلام مينفعهش يتقال.