قالت الإعلامية مفيدة شيحة، تعليقًا على حلقة "إزاي أعاقب ابني" من برنامج "الستات مايعرفوش يكدبوا"، المذاع على شاشة "سي بي سي"، إنها ضد معاقبة الطفل بضربه لكن تلتمس العذر أحيانًا بسبب خوف الأم على أبنائها.
وأضافت "شيحة": "الوعي اللي عند أولادنا أعلى من عندنا بكتير، الانفتاح على مواقع التواصل الاجتماعي خلتهم بيكلمونا بمنتهى الطبقية كأننا جايين من ورا الترعة وده حقيقي، بيكونوا شايفين أنتوا قُدام أوي وآخركوا تعملوا أكل وشرب وتسيبونا نكمل حياتنا، أمي جريت ورايا في الطرقة بالشبشب البلاستيك، لكن عمري ما حسيت وأمي بتضربتي أنها بتكرهني، أنا اضربت علشان بعمل مصايب".
ومن جانبها قالت الإعلامية منى عبد الغني: "الأم اللي بتضرب أولادها هي متصورة أن دي طريقة معاقبة، لكن اللي بيوصل لابنها أنها بتكره، أنا كنت بتعاقب بشكل خفيف أنا بخاف من بصة ماما وزعلها".
وتابعت "عبد الغني": "غلط استخدام كلمة أنا مش هحبك لو عملت كده، لازم تحسسيه بالحب، وحضن أنا بحبك بس زعلانة منك، وكمان التهديد بربنا غلط".
