وجهت الفنانة إيمي سالم، رسالة شديدة اللهجة لمستخدمي مواقع التواصل الاجتماعي، وذلك بسبب انتقادهم لشكل وطريقة كلام الفنانة حورية فرغلي أثناء ظهورها مع الإعلامي عمرو أديب في برنامج "كل يوم"، المذاع على قناة "ON E"، وأكدت أن الرحمة انعدمت في قلوب الناس بعدما أصيبوا بفيروس التفاهة.
وأعلنت "إيمي" إنها لا ترتبط بصداقة شخصية مع حورية فرغلي، لكنها تعلم ما حدث لها وقالت: "بجد ما شوفتش كم مش طبيعي من الهري والشتيمة والتريقة على حورية فرغلي وحوارها مع عمرو أديب، وعلى فكرة انا معرفهاش شخصيًا. بس اعرف كتير عنها".
وتابعت: "هو احنا جرالنا أيه ؟ ولا خلاص ما بقاش عندنا مشاكل.؟!!! واحدة اتمرمطت عمليات واتاخد عظم من جمجمتها ومن ضلعها ومناخيرها اتدمرت بسبب حادثة مش عشان هي غاوية تجميل، وشالت الرحم يعني مش هتخلف وعاشت سنتين بتتحرك بكانيولا في أيدها وبرضه مش سايبنها في حالها ؟؟؟؟؟؟؟؟؟؟؟؟".
أضافت: "هي الرحمة انعدمت قوي كده !!!!!!!! ربنا يقويكي يا حوريه ولا يهمك من فيروس تفاهات الفراغ اللي صاب ٩٠٪ من الناس، وربنا يكرمك قوي.. اخدتي حسنات كتير في ال ٤٨ ساعة الماضية، واعوذ بالله من النفوس اللي مش بترحم".
