حاول الإعلامي عمرو أديب، إقناع محمد حسن مبارك، شقيق منفذ تفجير الكنيسة المرقسية بالإسكندرية، للحديث عن جريمة شقيقه.
وقال "أديب"، خلال تقديمه برنامج "كل يوم"، المذاع علي فضائية "on-e"، اليوم الأربعاء،:" انت بتعيط ليه ده اخوك اللي فجر مش انت، انت خايف من ايه وايه اللي مزعلك فيه حد هيضايقك في البلد !!"، متابعا:"قولي انت خايف من ايه واحنا نساعدك ولازم نقف جمبك وانت خايف ليه من الاشراف"، ليرد عليه شقيقه وهو يبكي:" ده أخويا وأنا كنت مفروض أربيه وأنا خايف من الأشراف يؤذوني والأشراف عائلة واحدة وهما هيزعلوا مني علشان ده أخويا منك لله يامحمود، إحنا عيلة واحدة ولو واحد انحرف كل العيلة تقاطعه، احنا في مصيبة وانا تعبان وهيغمى عليا ومش قادر اسمع الخبر ده".
وتابع أديب في حديثه لشقيق منفذ التفجير:" انت مفروض تاخد بالك من بنات اخوك، ومتخافش من الأشراف، وهو مات انت هتدفع تمنه ليه ؟ متخافش واحنا لازم نقول للناس انك ملكش ذنب، رد عليا إنت ذنبك ايه خايف من إيه"، ليرد عليه شقيق المتهم: " احنا طالعين من ثأر وده جاي يعمل مصيبة وانا شوفت أخويا من 4 شهور".
