نشرت الفنانة مي كساب صورة علي صفحتها الرسمية بموقع "إنستجرام" مكتوب عليها: "تسلم الشدة ومرارتها اللي بينت الناس على حقيقتها"، وكتبت تعليقًا على الصورة قائلة: "الدرس المستفاد من المحنة دي ما فيش صاحب بيتصاحب ما فيش راجل بقي راجل والنبي يا ولاد انتو بتقولو حكم بس رينا كبير يمهل ولا يهمل والدنيا دواره ما تقلقش الدور جاي عليك وساعتها مش هتلاقي اَي حد جمبك فرجه قريب وبعد المحنة منحة".
وتابعت:" كلمتين من القلب "اوكا واورتيجا"، روح واحدة في جسدين بيكملوا بعض في كل حاجة في الحياة، وفِي الشغل من أول ما عرفتهم حتى قبل ما أحب محمد شفت طيبة عمري ما شفتها في حياتي وسذاجة وثقة في الناس وكل واحد واطي وحقير كان يجي يدخل بينهم ويضحك عليهم ويستغل طيبتهم لمصلحته".
وأضافت:" كانو يا عيني يبقو عارفين انه مش راجل ومش جدع ومش أخوهم ولا ضهرهم وانه كلام بس فعل ما فيش ومع ذلك كانوا سايبينه وبيقولوا معلش قطع الارزاق وحش عشان خاطر أهله وعياله وعمرهم ما غدروا بحد ولا خانوا حد لكن للأسف المحنة والشدة بتبين كل واحد علي أصله بتجيب الحقيقة اللي في قلب كل واحد، الجعان وقليل الأصل والخاين".
