في هذه الأجواء الرمضانية من صيام وحرارة الحو المرتفعة، وكذلك أوقات اليوم الغير منتظمة لما للصيام والعادات الرمضانية الدينية دور فيه، يخضع طلاب الجامعات لأداء امتحانات نهاية العام الدراسي، فيتحاملون على أنفسهم ويتحملون مشقة الصيام وكذلك عدم انتظام أوقات يومهم، آملين أن تحل عليهم بركات الشهر الكريم ويبلون بلاء حسنًا في الاختبارات.
رصدت كاميرا المواطن آراء طلاب جامعة مصر للعلوم والتكنولوجيا حول تأدية الامتحانات في فترة الصيام وهل يراعي الدكاترة الطلاب بالامتحانات أم يظل الامتحان امتحانًا بكل أوقات العام، فقالت طالبة: "الامتحان بيبقى صعب أكتر في وقت الصيام الواحد مش بيبقى مركز وبيحاول على اد ما يقدر يجاوب صح، والدكاترة في منهم اللي بيراعي الطلبة ومنهم اللي مش بيراعي كل دكتور حسب أسلوبه".
وأشار طالب آخر: "احنا بنمتحن أورجانك والمادة أصلا صعبة مع المذاكرة في رمضان بتبقى مشقة كبيرة، ومافيش دكاترة بيراعوا الطلبة بالعكس بيستغلوها فرصة إنهم يصعبوا الامتحانات عليهم".
وأكدت طالبة: "المذاكرة بتبقى صعبة في رمضان بس عرفت آخد قبل رمضان كام يوم ألم المنهج فيهم عشان ماجيش في رمضان أعاني من المذاكرة، وبالنسبة للدكاترة مش كلهم بيراعونا عشان عارفين إن الي بيغشوا بيغشوا في رمضان أو غير رمضان".
