طباعة

وجه مرتضى منصور رئيس نادي الزمالك، رسالة إلى أيمن منصور، نجم نادي الزمالك السابق، قائلا، "أيمن منصور هو من قام بزيارتي في مارينا، وأنا عتابي عليك يا أيمن لأنك جيت وقولتلي هشتغل مدير كرة وفاروق جعفر كان قاعد".

أضاف منصور خلال تصريحاته، "حضرتك بتعتذر عن إيه، دي كلها كانت ترشيحات وأنت كنت في الغردقة وجيتلي مارينا يعني أكتر من 500 كيلو، عيب انك تطلع بيان وتعتذر، عاوز تعتذر طلع التليفون وبلغ رئيس النادي اللي أنت روحتله وقولت عاوز أشتغل".

واصل رئيس الزمالك، "انت عملت نفس اللي عمله عبد الحليم علي جه قعد معايا وقالي هشتغل مدير كرة وأول ما مشي راح طلع بيان قال أنا بعتذر.

وتابع منصور، "انسوا الكلام دة يحصل طول منا رئيس نادي، وطول منا رئيس النادي أنسوا انكوا تيجو انتوا الاتنين، عاوز تعتذر حقك لكن تيجي تعود معايا وأول ماتمشي تقول بعتذر علشان تعمل عنتر أدام قطر والواد الحرامي الأقرع اللي طلع مع إبراهيم فايق عمال يعيط".