تفاعل عدد كبير من رواد موقع التواصل الاجتماعي، "فيس بوك" مع صور خاصة بطالبين في المرحلة الإعدادية ارتبطا بقصة حب “ساخنة”، وأثارت ضجة بسبب صغر سن هؤلاء الأطفال على مثل تلك العلاقات وقصص الحب.
وكتب الطالب في الإعدادي عمر عثمان عبر صفحته الشخصية على "فيسبوك"، قائلاً: خلاص فهمت أنك أكتر واحد حبتني وأاكتر واحد خايف عليا وعلى حياتي أكتر واحد بيحب يشوفلي الخير مبيحبش حد يتكلم عليا بتحب العيوب اللي فيا قبل الميزات بتحب الهطل والعبط والخنقة وطريقتي بتاعة الأطفال اللي محدش بيستحملهم ومزهقتش من الغيرة المقرفة بتاعتي اللي محدش عرف يستحمل 1%منها".
وأضاف "أول مرة احس ان حد بيحبني كدا وبيخاف عليا وعلي دراستي انت اول واحد يقولي لا مفيش حاجة اسمها مش هروح درس بتخليني اروح غصب عني عارفه انك بتحب تنرفزني عشان شكلي بيبقي مسخرة وبتتضحك عليا واحلي حاجة فيك انك بتحب العبط والهطل وبنعبط مع بعض وبنجري ف الشارع وبنتصور صور هطله شبهي وبنغفل بعض ومتنساش التغفيله اللطيفه بتاعتك ومش هنسي التغفيلة بتاعتي.. بحبك".
من جانبهم، تداول مستخدمو الموقع الأزرق هذا المنشور بشدة، لافتين النظر إلى العمر الصغير لبطلي هذه القصة، الأمر الذي جلب عليهم قدرًا من السخرية، فكتب أحدهم "هما الأطفال حصلهم إيه في الجيل دا"، فيما أضاف آخر "يا خبر إسوح دول في إعدادي".
