طباعة

يحكي محمود بداية دخوله لهذه المهنة فيقول: "بدأت أشتغل في الصياغة من 2 ابتدائي لحد وقتنا هذا وكنت بدرس ومتخرج من دبلوم، ولم اكتسب الشغلانة من أبويا بالعكس نزلت واكتسبت خبرة من وانا عندى 8 سنين، وهي فيها جزء من الفن والواحد بييشتغل الحاجة اللى بيحبها، والشغل سهل للى مبدع فيه وبتبقي سهله جدا".

""شغلي معروف"..

محمود يتخطى عقبة التعليم التي تقف أمامه، ويبدع في الحرفة التي ترعرع عليها معلقًا: "بس التعليم هو اللي صعب من وجهة نظري أنا، لكن ممكن أطور فيها وهى مهنة جميلة وبصنع كل حاجة، وببقي شاطر انى أطع قطعة فنية، واللي يلبسها يقول محمود اللي عامل ده، والناس بتيجي تشتري من عندي وشغلي معروف والأكونت على الفيس معروف".

"الدماغ والروقان أساس الصنعة"..

وأرجع "محمود" سبب ارتفاع القطع التي ينتجها إلى تكلفتها العالية من الخامة، حيث قال: "باخد وقت ساعتين في القطعة أو 10 أيام على حسب، وهى مكلفة عليا وعلى الزبون، لأن في فرق بين القطعة الواحدة وبين الكيلوهات، بس مش بشتغل للمحلات وكده، بشتغل بس للزبون اللي جاي، والحرفة دي مربحة جدا، وفي ناس بتقدر الفن وبيدفع لأنه عارف اللي هي متكلفة خامة ودماغ وروقان وأحجار كريمه، بس الشعب المصري مريض بالفصام".

"اليدوي يبدأ من 35 جنيه"..

يعرض "محمود" الأسعار اليدوية لمنتجات الفضة فيقول: "أسعار الجرام بيبدأ من 15 جنيه لحد 50 جنيه اللي هي الحاجة التجارية، والحاجات اليدوية بتبدأ من 35 جنيه فيما فوق، ولو حد عاوز يبيع فضه بتبدأ من 7 ونص لحد 8 ونص، ولو دهب لازم يكون معاه فاتوره".