طباعة

تحكي ربحية بيومي، جدة إسراء التي وقعت ضحية الاختطاف، حيث قالت: "إسراء عبد الكريم 14 سنة ونص، اتخطفت من تاني يوم العيد 2\9، وهي في 3 إعدادي، كانت عندي جايه تزورني وتتفسح في العيد، ونزلت مروحة عند أمها وبعدين اتصلت بأمها بسأل عليها قالتلي لسه مروحتش قولتها يمكن مواصلات وبعد 10 دقايق اتصلت بيا قالتلي مجتش، الدنيا بقت بايظة وكان حوالي الساعة 8 ونص بليل، وأتمنى حد يتصل عاوز فدية أو أي حاجة".

"مش عارفين عايشه ولا ميتة"..

أضافت جدة "إسراء": "ولا حس ولا خبر من ساعتها ولا عارفين هي عايشه ولا ميتة وروحت جميع المستشفيات، وعملنا محضر وهما مش مقصرين بيدورو معانا".

"بحبك يا سيسي وعاوز أعرف البنت راحت فين"..

وأشارت جدتها: "مامتها وباباها في المستشفي بسبب حالته الصحية لأنه بيعمل عمليه ورم في ضهره".

كما طالبت وزير الداخلية قائلة: "بناتنا حرام إحنا بنحبهم، وانتخبنا السيسي علشان بنحبه يقف جنبنا ويشوفوا راحت فين، وأنا بحبك يا سيسي وعيالي كلهم بيحبوك بس عاوزه اعرف راحت فين".