طباعة

عمرك سألت نفسك وأنت بتشتري موبايل جديد إيه هي الحاجات اللي مهم أخد بالي منها وأنا بشتري الموبايل؟

هل هو الشكل بس؟ هل الكاميرا بس؟ ولا مهم إنه يكون أحدث موبايل في السوق وخلاص؟!

في الحقيقة شراء موبايل جديد بيختلف من مستخدم للتاني، وعلى حسب هو عاوز الموبايل في إيه.

لكن ورغم الاختلاف بين المستخدمين في احتياجاتهم من الموبايل فيه نقط مهمة وشبه ثابتة مهم جدًا ندوّر عليها إحنا بنشتري أو هنجدد الموبايل اللي معانا.

وإحنا النهاردة هنتعرف على أهم النقط اللي مهم جدًا ناخد بالنا منها ونسأل ونعرف إمكانياتها بشكل كويس وإحنا بنتشري موبايل جديد.

·      الشاشة.

·        الكاميرا الخلفية والأمامية.

·        البروسيسور + الميموري والرام

·        نظام التشغيل.

·        شكل الموبايل الخارجي.

·        تأمين الموبايل.

·        البطارية.

1-    الشاشة

أول وأهم حاجة مهم جدًا ناخد بالنا منها ونعرف دقتها وحجمها هي الشاشة، وده مش رأينا بس، ده رأي كل الشركات المصنعة للموبايلات، والتطور ده ما بقاش في الموبايلات الفلاح شيب وبس، ده وصل كمان للموبايلات اللي بمواصفات ومميزات متوسطة زاي موبايل هواوي ميت 10 لايت الجديد، واللي هواوي منزلاه بسعر أقل من 6000 جنيه مصري، وبيتميز بشاشة بدون حواف تقريبا وبتكون بحجم 5.9 بوصة، علشان تدي المستخدم متعة في مشاهدة أفلام الفيديو والصور بوضوح كبير جدا.

من النقط المهمة في الشاشة كمان الحجم، فكل ما حجم الشاشة كان كبير زادت متعة المشاهدة وعرض الصور عليه، لكن حجم الشاشة برضه كل ما كبر كل ما كان عقبة قصاد المستخدم وده بيكون واضح في مسكة الموبايل واللي بيكون صعب كل ما حجم الشاشة كان كبير، وده لإنه كمان بيعرض الشاشة دي لخطر الكسر بشكل واضح. كتير من المستخدمين بيفضلوا حجم الشاشة 5.5 بوصة، لإنهم بيكونوا شايفين إنه حجم متوسط بيجمع بين جودة العرض والحجم المناسب في إنه يتشال بسهولة وكمان سهولة الوصول لكل مكان في الشاشة بشكل سلس.

وعمومًا حجم الشاشات عادة بيبدأ من 5 بوصة واللي بنلاقيها في موبايل Sony Xperia X، وموبايل Xiaomi Redmi 4X.

وحجم 5.5 بوصة (الأشهر) واللي بنلاقيها في موبايل Moto E4 Plus، وموبايل Nokia 6

وحجم أكبر من 5.5 بوصة واللي بنلاقيه في موبايلات infinix Note 4 Pro، وموبايل Samsung S7 edge

آخر نقطة في الشاشة هي دقة العرض، وكل ما كانت دقة وضوح الشاشة أكبر كل ما ده كان أفضل، عموما دقة العرض FHD تعتبر الدقة الأدنى اللي المستخدم هيرضى بيها والموجودة في موبايل زي Infinix Zero 4 Plus، ده طبعا بعد انتشار الشاشة اللي بدقة QHD الموجودة في موبايلMoto Z، وموبايل LG G6

2-    الكاميرا

كاميرا الموبايل واحدة من أهم وأكتر النقاط اللي بتهم كتير من المستخدمين والشركات كمان، وده لأن نسبة كبيرة من المستخدمين بيهتموا بالتصوير بشكل كبير، ومهم جدًا قبل ما تشتري موبايل تعرف حجم فتحة العدسة قد إيه (مش عدد الميجا بكسل بس) وكل ما حجم فتحة العدسة كان أقل كل ما ده معناه إن الصورة هتخرج جودة كويسة، هنلاحظ إن معظم كاميرا الموبايلات المتاحة في السوق حجم عدستها هو F2.2والموجودة في موبايل Oppo F3 ولو كنت مستخدم بتهتم بادق التفاصيل في الصور ومش بترضى غير بجودة ممتازة فبننصحك تبعد عن حجم فتحة العدسة دي وتشوف موبايل بفتحة عدسة F1.7 زي Samsung S8 Plusأو فتحة عدسةF1.6 زي موبايل Huawei Mate 10 Pro.

نقطة كمان في الكاميرا هي جودة التصوير، مهم جدًا الكاميرا تكون بتصور أفلام فيديو بدقة مش أقل من 1080 بكسل، واللي هتلاقيها في موبايل Tecno Phantom 6 Plus، والأفضل يكون بيصور فيديوا بدقة الـ 4K ودي متاحة في موبايل LG V30.

وما ينفعش نتكلم عن كاميرا الموبايل وما نتكلمش عن الكاميرا السيلفي، واللي وجودها مهم برضه لعشاق السيلفي، ويفضل الكاميرا ما تقلش عن 13 ميجابكسل ودي ممكن نشوفها في موبايل Samsung J7 Pro.

3-    البروسيسور + الرام والميموري

وطبعا كل ما عدد أنوية البروسيسور كانت أكتر، كل ما ده كان معناه إن الموبايل بيقوم بالمهام المطلوبة منه بشكل سلس وسريع ومن غير أي مشاكل، على سبيل المثال البروسيسرو ثماني النواة وهو الموجود في أغلب الموبايلات زي موبايل Lenovo K6 Noteومهم كمان الأنوية دي تكون متقسمة على جزأين، جزء للمهمات البسيطة والمعتادة، زي الاتصال والتصوير، وجزء تاني للبرامج والتطبيقات الكبيرة أو الألعاب وأهمية التقسيم هنا إنه بيريّح نص قدرة المعالج واللي بدورها بتوفر من عمر البطارية على المدى الطويل، ومن الموبايلات اللي البروسيسور بتاعها مش متقسم موبايلSamsung A7 2017، وإن كان أداؤه المميز بيخلي كتير من المستخدمين ما يهتموش قوي بالنقطة دي.

نقطة تانية مهمة جدًا، وهي الميموري الداخلي للموبايل واللي من خلالها بتحمل على الموبايل صورك والبرامج والأعلاب المختلفة ويفضل الميموري الداخلي ما تقلش عن 32 جيجابايت وكمان الرام، واللي ما تقلش عن 3 جيجابايت على الأقل، وكل ما مساحة الرام كانت أكبر كل ما ده كان مهم وبيدي حرية تنقل بين أكتر ن برنماج في وقت واحد وبسلاسة تامة ومن الموبايلات دي HTC U11، وموبايل Huawei P10 Plus

4-    نظام التشغيل

وده مهم طبعًا، لإن كل ما كان نظام التشغيل حديث كل ما كان معنى ده هي قدرة الموبايل على صد أي هجمات ومعالجة لأي ثغرات أمنية الشركات المصنعة للموبايل بتكتشفها كل فترة، وكل ما كان النظام جديد كل ما كان مميز وأسرع في قبول تحديثات جديدة واللي بتأمن الموبايل أكتر، كمان نسخة الأندرويد بتزوّد من استجابة الموبايل لأوامركالمختلفةوبيؤديالوظايف على الوجه المطلوب وفي وقت قليل جدًا.

من الموبايلات اللي بتيجي بنظام تشغيل أوريو هوHuawei Mate 10، أما النظام الأكتر انتشارًا في الموبايلات فهو أندرويد نوجا واللي هنلاقيه موبايل Samsung note 8

5-    شكل الموبايل الخارجي

وده عامل مهم جدًا للمستخدم اللي بيسعى دايمًا إن الموبايل بتاعه يكون قطعة فنية أنيقة ويتباهى بجودة وجمال التصميم ومن الموبايلات اللي بتيجي بتصميم جديد وجذاب iPhone X

6-    تأمين الموبايل

وجودها دلوقتيبقى شيء طبيعي ومهم في الموبايلات وده لزيادة نسبة التأمين سواء لبرامج التواصل الاجتماعي واللي بقى عليها جزء كبير من حياتنا فعليًا أو حتى صورنا الخاصة مع الأهل والأصحاب واللي نحب نحتفظ بيها لنفسنا

ومن أهم وأشهر عوامل التأمين البصمة، واللي بتبرع فيها هواويلإنهابتقوم بالمهام دي وهنلاقي التقنية دي في موبايلات زي Huawei GR5 2017، وموبايل Huawei P9.

وموجودة كمان في موبايلات من شركات تانية زي Samsung J7 Core.

7-    البطارية

وطبعًا دي أهم نقطة، واللي بتهم الشركات قبل المستخدمين. وكتير من الشركات بيهتم مش بقوة البطارية واستمرارها للعمل لمدة طويلة وبس،لأ، ده كمان بيضيف ليها تقنيات تغري المستخدم زي الشحن السريع والموجود في موبايل Note 8.

ياقوطة، هو أول موقع ومحرك بحث إلكتروني في مصر لعرض ومقارنة مواصفات وأسعار السلع والمنتجات المختلفة، كما يمكنك من خلال موقع ياقوطة طلب منتجك المفضل مع إمكانية الاستلام في منزلك.