تعثر مسئولي التعاقدات داخل النادي الأهلي إتمام التعاقد مع المدافع رامي صبري لاعب فريق إنبى، خلال فترة الانتقالات الشتوية.
وكان اللاعب قد أصدر بعض التصريحات التي تمكنه من الجلوس مستريحا داخل قلوب جماهير القلعة الحمراء.
وجاءت التصريحات كالتالي:-
"أنا عشت كام يوم في حلم إنى أبقى متواجد في النادي الاهلي"
"بشكر كابتن علاء عبد الصادق جدا وقف معايا كتير وعلى طول معايا.. لكن الفكرة ان نادي انبي رافضين الموضوع"
"طبعا ادارة انبي ادارة محترمة بشكرهم على تمسكهم بيا لكن كابتن علاء عبد الصادق بيحاول لآخر لحظة"
"فاضل ساعتين بس انا مش هيأس وهحاول مع إدارة نادي إنبي لآخر لحظة إنهم يدوني فرصة إنى اروح النادي الاهلي وطبعا شرف ليا"
"انا روحت لعبت ماتش مع النادي الاهلي مع اتليتكو مدريد حسيت إنى بلعب كورة وكان شرف ليا"
"كابتن علاء كلمنى قبل ماتشنا مع الزمالك وقالى تروح تلعب وتركز عشان ماتتصابش وحنحاول لاخر لحظة إنك تبقى موجود في النادي الاهلي"
"بشكر كابتن علاء تانى انه وقف معايا مش في الموقف ده لا من زمان"
"أنا مش هيأس بصراحة ده حلم وهطلع احاول مع إدارة نادي إنبي إنى أبقى موجود في النادي الاهلي بإذن الله"
اما عن سؤله عن سر التمسك بالنادي الأهلي؟
"عشان النادي الأهلي مش عارف اتكلم عليه الصراحة لو اتكلمت مش هديله حقه.. النادي الاهلي نادي كبير"
"احسن نادي في افريقيا ثانى احسن نادي في العالم واخد بطولات"
"واكيد شرف ليا وانا عامة بحب النادي الاهلي جدا"، "انا راجل اهلاوي وشرف ليا أكون متواجد جوه النادي"
"اشكر كل الجهاز الفنى للنادي الاهلي انهم حاطين ثقة فيا إنى ابقى موجود في النادي"
"إنبي فريق كبير بقالى 15 سنة معاهم واتمنى من ادارة انبي تخلينى اروح النادي الاهلي"
وكان باب القيد في الانتقالات الشتوية قد تم إغلاقه في الثانية عشرة منتصف يوم أمس الأربعاء.
