كتب الفنان تامر حسني منشورًا على مواقع التواصل الاجتماعي "فيسبوك"، موجهًا من خلاله سؤال للجمهور يقول فيه "ما هي حلول النجاح".
وقال تامر: "صباح الهنا على أغلى ناس على قلبي أنا كنت بحضر مشاهد داخل أصورها في فيلم البدلة اليومين دول بس لفت نظري كلام مهم أوي في الحوار فكلكم جيتوا في بالي وبدأت افكر فيكوا انتوا وحسيت إني عايز اسألكم سؤال وممكن نتناقش فيه شويه من خلال الصفحة لكل حد فيكم السؤال هو في ظل الكوسة والمحسوبيات وأصدقاء السوء والتشوهات الفكرية والطاقة السلبية الرهيبة في بلادنا وحاجات تانية جوة كل حد فيكم أكيد في ناس كتير محبطة ونفسها تنجح بس هل حد فيكم بدأ يحط حلول عشان ينجح وإيه هي الحلول ولّا مفيش حلول بالنسبا له؟".
وتفاعل الجمهور مع تساؤلات تامر من خلال التعليقات، حيث قال أحد الأشخاص: "الحلول موجودة بس مش بتتعمل أو اللي بيتعب عشان يوصل مش هتوصل لحاجة في البلد".
وآخر قال: "انت الفراغ قاتلك وفي نفس الوقت ضحكتني النجاح في مصر يا نجم النجوم انك تلاقي شغلانة تاكل منها عيش"، وأضاف آخر قائلا: "لكل مجتهد نصيب".
