نشر الفنان رامي صبري، صورة بوستر، أغنية "الناس بتبان في الشدة"، عبر حسابه الشخصي بموقع تبادل الصور والفيديوهات الشهير "إنستجرام"، وعلق رامي على صورة، قائلة: "أغنية الناس بتبان في الشدة..
دي مش اغنيه بس ده موقف حصل معايا والموقف ده خلاني شفت ناس مش كتير الحقيقة بطريقة مختلفة، خلاني شفت. واستكمل صبري، موضحًا: "إن كل حد بتعرفه في الحياة هو اللي بيختار أنه يعيش معاك أو علاقته بيك تبقى قد ايه بتصرفاته معاك يعني هو اللي بيخليك تطول علاقتك بيه أو تصغرها ".
وأكمل صبري، قائلاً: "بتبقي العشرة بتهون عشان بتحس أن ربنا وراك حاجات عمرك ما كنت هتشوفها إلا لو كانت حصلتلك أزمة في حياتك بجميع أنواعها بقي عشان كده لازم نقول الحمدلله على اللي ربنا كتبهولك ومنعترضتش علي أي حاجه بتحصلنا وفالآخر".
واختتمها صبري، "بقول فالأغنية أنا اللي حصلي علمني مابصش علي اللي راح مني وعزة نفسي قوتني مكسرتنيش انا ابقى على اللي يستاهل مش اللي يبعني بالساهل بشوفهم عادي واتجاهل ميلزمنيش وأنا بمسح من حياتي اللي ما بين البنيين وبشيل من ذكرياتي الناس الكدابين".
