أكد وزير التربية والتعليم الدكتور طارق شوقى، أن أكثر المتظاهرين أمام وزارة التربية والتعليم الذين يعترضون المشروع المقدم من الوزارة حول تطوير التعليم ليس لديهم أبناء في المدارس، معلقًا:" لازم تعرفوا إن فيه جروبات على الواتس آب، وفيه ناس بتدفع، لازم نفهم مين بيوجه الناس دول".
وقال الوزير، خلال كلمته في الاجتماع الذي تعقده لجنة التعليم المنعقد الآن لمناقشة مشروع تطوير التعليم بمجلس النواب: "إزاى لما نيجى نعمل حاجة كويسة يعاملونا معاملة الأعداء، إحنا بنصلح القرف الموجود، فيه ولاد بيطلعوا المرحلة الخامسة والسادسة الابتدائية مش بيعرفوا يقرأوا".
وعلق "شوقي" على ردود بعض النواب حول عدم التواصل بين الحكومة واللجنة: "أحنا قربنا نموت من التواصل، إحنا مفيش حد تواصل أدنا، مش عارفين نشتغل من التواصل، وأنا مش عارف ايه هو الحوار المجتمعي أكتر من اللى بنعمله الحقيقة ".
