وتفاعل مستخدمو موقع التواصل الاجتماعي مع الهاشتاج بشكل كبير، وجائت التعليقات ما بين مؤيد لزيادة ارتفاع أسعار البنزين، وبين معارض.
وترصد "بوابة المواطن" تعليقات بعض النشطاء على الهاشتاج، كما يأتي:
"المعني الحقيقي لزيادة البنزين.. زيادة رفع الأسعار.. زيادة العنوسة.. زيادة الاغتصابات.. زيادة الجريمة.. زيادة الفقر.. زيادة الانتحار.. زيادة السرقات.. موت الحياة لمتوسطي الدخل بعد سحق الفقير".
"لازم الحكومة تقوم برفع الأسعار وتحريكها مع بداية تطبيق موازنة السنة المالية الجديدة في 30 يونيو القادم، حتي لا تتعرض الموازنة العامة للدولة لعجز كبير بسبب مخاطر ارتفاع أسعار النفط العالمية عشان كدة هنستحمل زيادة البنزين".
"هنبنيها ونحميها حتي لو هنموت فيها، الزيادة في مصلحتي ومصلحتك، لما تروح مستشفي وتاخد خدمة كويسة، لما تركب مواصلة وتلاقي مكان نضيف.. يا ريت نستحمل شوية هنستحمل زيادة البنزين".
"انا مؤيده للرئيس.. بس الهشتاج ده مستفز.. عارفين والله إن الزيادة ملهاش بديل بس ممكن نزعل شوية من فضلكم ؟ لو مفيهاش مؤاخذه يعنى".
"يا جدعان لازم الناس تعرف إن أى إجراء اقتصادي بيتاخد مش معناه على الإطلاق أن يتم رفع الدعم، بالعكس بيبقي الهدف منه أن الدولة توصل الدعم لمستحقيه عشان كدة هنستحمل زيادة البنزين".
