نشرت الإعلامية دعاء فاروق، مجموعة صور لفنانين الزمن الجميل، عبر حسابها الشخصي بموقع تبادل الصور والفيديوهات الشهير "إنستجرام"، وعلقت فاروق على الصور، قائلة: "دي صور لمجموعة من الفنانين اللي بنحبهم كلنا واللي اسعدونا دول نماذج لفنانين توفاهم الله بس فيه منهم وزيهم آلاف ماتوا وعايشين واللي مفيش فيلم بييجي ليهم غير لما نتفرج ونضحك ونتبسط هم مصدر سعادة وتسلية وملاذ ومتنفس لأي حد متضايق أنه يفك عن نفسه شوية.
وأضافت فاروق، قائلاً: "لما يشوفهم أنا لما بتفرج عليهم مببطلش ادعي لهم بالرحمة والمغفرة والجنة بجد بدعيلهم من قلبي وغيرهم كتير ولما بنشوف منهم عايشين بنتبسط اننا شايفينهم انا اعرف منين ربنا غضبان منهم ولا هيدخلوا جنة ولا نار اللي انا متربية عليه هى جملة اتربينا عليها كلنا من حبه ربه حبب فيه خلقه ليه التعالي علي الناس اللي بيفرحونا على أساس اننا احنا اللي منزلين من السماء بجناحات".
وأكملت فاروق، قائلة: "ليه بتتفرجوا عليهم وبعدين تشتموهم هم واللي زيهم ايه موضوع اننا مصنفين الناس أن فيه حبة فوق وحبة تحت ومين قال اننا فوق ايه حكاية كنا فاكرينك عشان مذيعة محجبة غيرهم بس طلعتي زيهم بأي حق بتحكموا على الناس وبتصنفوهم زيهم ولا غيرهم انتو تعرفوني منين ولا بتحكموا عليا منين ايه كم الناس اللي باعتة ليا انك نزلتي من نظرنا عشان بتدافعي علي شوية مطبلاتية وطلعتي زيهم انتو تعرفوني منين يا جماعة ولا تعرفوا الناس منين بتحكموا على المظهر وبناءًا عليه بتدخلوا الناس جنتكم".
