دشن عدد من نشطاء مواقع التواصل الإجتماعي " فيس بوك " بالبحيرة، حملة تدعو لمقاطعة شراء الفاكهة، بسبب ارتفاع أسعارها خلال الأيام الماضية، وذلك بداية من اليوم السبت.
وتحت شعار " خليها تحمض " انتشرت دعوات المقاطعة علي صفحات مواقع التواصل الاجتماعي بالبحيرة، وتوحد ميعاد بدء الحملة ليكون اليوم السبت من 1 حتي7 سبتمبر.
وقال السيد الرفاعي، أحد الداعين لحملة مقاطعة شراء الفاكهة، إن تلك الخطوة أتت بعد الارتفاع الجنوني لأسعار الفاكهة، مضيفا " لما تبقى الأسعار بالشكل ده يبقي في حاجة غلط ".
وأوضح " الرفاعي " أنه لأول مرة يصل سعر كيلو الجوافة بين 15 و25 جنيهًا، والعنب من 20 إلى 25، والمانجو من 20 إلى 50، والبلح من 10 إلى 20 ، والتين من 15 إلى 25، والكمثرى من 20 إلى 30، والموز من 20 إلى 30، والتفاح المستورد اللبناني بين 25 و40 جنيهًا.
واستطرد " سالم " أحد نشطاء مواقع التواصل الإجتماعي أنه لابد من مجابهة جشع التجار، متابعًا: " خلي الفاكهة تعفن عندهم في الوكالة اللي بينزلها طبعا أردئ وأقل الفواكهة جودة ومتنفعش تدخل أي وكالة تانية نضيفة علي مستوي الجمهورية وفي نفس الوقت تتباع بأعلي سعر للجمهور ".
وأضاف " سالم " أن المظلوم طرفين أولهما " المزارع " الذي يربح ثمنها في السوق، والثاني المستهلك " اللي عايز 100 جنية علشان يجيب نوعين فاكهة يروح بيهم للعيال وهو راجع من شغله ".
وأوضح أن أقوى سلاح هو المقاطعة، مضيفًا: " علشان لما تعفن عندهم يبقوا يتقوا ربنا في أسعارهم الخيالية وينزلوا بضاعة نضيفة ويسيبوهم بقه من شغل الرمرمة اللي بيعملوه ".
