افتتح السيسي مشروعات التنموية والسياحية في منطقة هضبة الجلالة، وإلتقى مع عدد من المهندسين والعاملين بالمشروع.
وصرح السفير بسام راضي، المتحدث الرسمى باسم رئاسة الجمهورية، أن الرئيس السيسي تفقد محطة تحلية المياه العملاقة بالجلالة بطاقة 150 مترا مكعبا يوم، والتحرك فوق الكوبري العلوي، كما انه زار منطقة الألعاب المائية "الأكوابارك" ومارينا الجلالة، بجانب تفقد مقر جامعة الملك عبد الله تحت الإنشاء ومصانع الفوسفات والرخام، والتقى عددا من المهندسين والمقاولين والعاملين بالشركة الوطنية المنفذة للمشروع بالتعاون مع القوات المسلحة.
وخلال الجولة التفقدية اشاد الرئيس بالجهود المبذولة لإنجاز المشروع، وفقا للمعايير الدولية، والالتزام بالجدول الزمني المحدد لذلك، بالنظر إلى انعكاساته الإيجابية على حركة الاستثمار والسياحة والصناعة، كم انه يحقق الاستفادة من البيئة النقية ودرجة الحرارة المعتدلة أعلى هضبة الجلالة، وتدشين مشروعات سياحية وعلاجية في تحقيق التنمية الشاملة لهذه المنطقة.
انفعال السيسي على وزير ومحافظ
كان ذهن الرئيس عبدالفتاح السيسي يقظاً أثناء افتتاح مشروع المرحلة الأخيرة من الطريق الدائري الإقليمي، ومحوري الخطاطبة، حيث انفعل على محافظ القاهرة وأحرج وزير النقل وانتقد مدير إدارة المهندسيين العسكريين
السيسي: توجيهات إيه .. بقلك أنا شوفته بنفسي
عشرة أيام فصلت بين لقاء الرئيس عبدالفتاح السيسي مع محافظ القاهرة وأداء الأخير أمامه اليمين الدستورية منذ تكليفه محافظاً للعاصمة يوم 30 أغسطس الماضي؛ لكن هذه المرة المسألة اختلفت.
ففي أثناء افتتاح الطريق الدائري الأوسطي من بلبيس حتى تقاطعه مع طريق القاهرة السويس أصر الوزير المحافظ على موقفه بينما تجرد السيسي من هدوءه وانفعل عليه بسبب الروتينية في الردود وتأكد المحافظ أن الرئيس بنفسه يتابع ما تم إنجازه من أعمال في تطوير شبكات الطرق المصرية.
حين وجه حديثه إلى اللواء خالد عبدالعال، محافظ القاهرة، قائلًا: "سيادة المحافظ خالد، أنا كنت قلت لك إن الطريق بتاع المطار، وده مدخل مصر، عمدان الكهرباء فيه جزء كبير منها عايز.. من فضلك راجع الموضوع ده، أنا بس بفكرك يعني".
ورد المحافظ: "حاضر يا فندم وبالفعل يا فندم توجيهات سيادتك"، ليقاطعه الرئيس عبدالفتاح السيسي: "توجيهات إيه أنا شفت وأنا راجع بقا، ما أنا شفت وأنا راجع"، وتفوه المحافظ بكلمات حاضر .. توجيهات سعادتك ، ليعيد له الرئيس عبدالفتاح السيسي "أنا شفت وأنا راجع، من فضلك يعني"، ليرد المحافظ: "حاضر يا فندم".
انفعال الـ 135 ثانية على وزير النقل
حوار مقتضب استغرق دقيقتين و15 ثانية أثبت أن الرئيس عبدالفتاح السيسي لم يكن أثناء مشاهدته لـ الفيديو كونفراس غائباً عن التفاصيل، وكانت عيناه تدقق فيما لم يخطر ببال أحد أن يراه وذلك أثناء ملاحظته لـ خطأ سيدي كرير والذي كان في جانب شاشة الفيديو، مما تسبب في حرج وجدل بينه وبين وزير النقل.
ودار الحوار حين قال الرئيس السيسي للدكتور هشام عرفات بس عايزك معلش ترجع للكوبري دا تاني وتشوف المسجل وتشوف الجزء اللي هو النيو جيري اللي موجود بعد ما يخلصوا يعني .. نبص عليه كويس لو سمحتوا .. شايف الحتة اللي على اليمين دي حضرتك .. ليه كدة ؟"
فرد وزير النقل "دا عشان المنزل بتاع الكوبري .. دا هنا نزلة الكوبري بتاع سيدي كرير والطريق هنا بيتحول من عدد حارات معينة".
لم يقتنع الرئيس السيسي برد الدكتور هشام عرفات فسأل رئيس الوزراء "يعني دا هو الشكل الطبيعي يا دكتور مصطفى " فأجاب وزير النقل "لا يا أفندم .. هنبص عليها تاني اللي هي الحتة دا هيت .. دي هي مش إتجاه النيو ..." فانفعل الرئيس السيسي حين نادى اللواء كامل وزيري "رئيس الهيئة الهندسية للقوات المسلحة"، قائلاً هو دا الطبيعي كدة ... فقال اللواء كامل وزيري "هتوسع يا أفندم وهتبقى سموز إن شاء الله وهتنزل لمنزل الكوبري على الطريق الرئيسي".
نقاش محتدم بين الرئيس ومدير إدارة المهندسيين العسكريين
"الكلام أخد وعطا .. بس برضه فهمني"
رغم أن الرئيس السيسي لم ينطق بهذه الجملة لكنها كانت لسان حاله أثناء نقاشه مع اللواء حسن عبدالشافي، مدير إدارة المهندسين العسكريين، لطريق دائري الإسكندرية، وعقب انتهائه من كلمته وانتقاله للطريق التالي، طلب الرئيس منه إعادة صورة دائري الإسكندرية ليعلق عليها قائلًا: "نقدر نتوقف هنا وشوفوا بروز المبنى، خلى اللي بيصمم الطريق يعمله إزاي، مش كده برضه يا حسن؟"، ليرد عليه "عبدالشافي": "تمام، بس حضرتك في حاجة، يعني لو إحنا شيلنا العربية دي وشيلنا شوية التراب دون الطريق إحنا ماشيين، دي كده كاملة، بس مع تراكم الأتربة والعربيات اللي بتركن قدام البيوت دي أصبح الشكل مشوه كده".
أصر الرئيس عبدالفتاح السيسي على التوضيح قائلاً "أنا مش فاهم؟"، ليرد مجددًا "عبدالشافي": "يعني حضرتك الطريق هو ماشي الخط بتاعه مستقيم مضبوط، وبعدين دخل لغاية هنا كده وبعدين مشي كده، الجزء اللي باين بارز ده وإن إحنا خارجين برّه، دي عربية راكنة هنا وفيه تراكم الرمال اللي موجودة، فبيدينا إحساس بالكسرة، معمق الكسرة شوية، لكن طبعًا إحنا بنحاول نرد أي تعديات، بقدر المستطاع يا فندم، الناس كانوا بيعملوا ساعات مصاطب قدام البيوت دي بنحاول نشيلها...".
لم يكمل اللواء حسن عبدالشافي نقاشه حيث قاطعه الرئيس السيسي قائلاً : "لا يا حسن، لا يا كامل، لأن ده خطر شديد جدًا على الناس اللي قاعدة في البيوت، لو عربية نقل ماشية بسرعتها ومقدرتش تسيطر هنا يروح داخل في المبنى ده، فين حرم الطريق يا حسن؟".
ورد اللواء كامل الوزير، رئيس الهيئة الهندسية للقوات المسلحة، على الرئيس قائلًا: "بالضبط يا فندم، هيا دي المشكلة، إحنا بصراحة سلكنا فقط الـ 3 حارات، وده هنجر سيادتك معدني، ده يعني لو كنا شيلنا منه باكية كنا شيلناه بالكامل، ولكن هو ده ضروري يتشال"، وعاد الرئيس للحديث قائلًا: "حرم الطريق يا حسن احترمه لسبب، للأمان والسلامة، مش عشان بس بنعمل 3 حارات، وأنا عارف إن ده عبء عليكوا وتكلفة، وماله إنما أعمل طريق مضبوط، مايبقاش النهارده بالشكل اللي أنا شايفه ده، وإحنا لسه بنفتتحه دلوقتي".
السيسي يستقبل قائد القيادة المركزية الأمريكيةاستقبل الرئيس السيسي الفريق أول جوزيف فوتيل قائد القيادة المركزية الأمريكية، وذلك بحضور السيد الفريق أول محمد زكي القائد العام للقوات المسلحة وزير الدفاع والإنتاج الحربي، والسيد توماس جولدبرجر القائم بأعمال السفير الأمريكي بالقاهرة.وصرح السفير بسام راضي المُتحدث الرسمي باِسم رئاسة الجمهورية، أن الرئيس السيسي أكد خلال اللقاء أهمية العلاقات الاستراتيجية المتنامية بين مصر والولايات المتحدة، ولاسيما فيما يتعلق بالتعاون العسكري القائم بين البلدين، ورحب سيادته في هذا الإطار باِنطلاق فعاليات التدريب المشترك "النجم الساطع 2018" والذي يُقام خلال الفترة من 8 إلى 20 سبتمبر الجاري، وكذا ما شهدته الأيام الماضية من تنفيذ تدريبات مشتركة بين الجانبين لتبادل الخبرات في مجال مكافحة الإرهاب.
السيسي يترأس الاجتماع الثالث للمجلس القومي للمدفوعات
صرح السفير بسام راضي، المتحدث الرسمي باسم رئاسة الجمهورية، بأن الرئيس عبد الفتاح السيسي، ترأس الاجتماع الثالث للمجلس القومي للمدفوعات.وأكد المتحدث باسم الرئاسة، أن الاجتماع ناقش خفض مصروفات الدفع من الهاتف المحمول بنسبة 50 %، نهاية مارس المقبل.
