قالت الفنانة نانسي صلاح بطلة SNl بالعربي، إنها دخلت مجال الإعلانات بالصدفة ؛ لرغبتها في البحث عن والدتها التي انفصلت عن والدها.
وأضافت بطلة SNl بالعربي في حوار خاص مع الإعلامية منى الشاذلي في برنامج" معكم" الذي يعرض على شاشة قناة cbc أن والديها انفصلا عن بعض في سن صغير، موضحة أنها عاشت مع والدتها لمدة 3 سنوات فقط.
وتابعت : " فضلت عايشة معاها لغاية ما والدي خدني وخباني بعيد عن أمي وكنت كل ما اجي اسأل عنها كان يقولي مسافرة أو هنروح الاسبوع الجاي ".
واستكملت : " في إحدى المرات تشاجرت مع والدي وقلت له اني هطلع في التلفزيون وماما هتعرف مكاني ومش هجيلك تانى وفضلت الفكرة في دماغي كتير بس كل ده اتعلمت منه كتير وبقيت شخصية قوية، وشوفت والدتي بس بعد 27 سنة بعد ما طلعت في التلفزيون ".
أكلمت أن في فترة من الفترات كنت تعبانة جدا، ومبعملش أي حاجة غير إن أنام واصحى أصور وأنام تاني، لقيت عمتي جابت امي في يوم ودخلتها عليا، أنا معرفتهاش خالص في الأول بعد كده سلمت عليها وحضنتها كتير، واكتشفت أن أمي كانت بتتفرج عليا في البرنامج وبتقول دي شبه بنتي نوسه، هي كانت بتقولي كده.
