كشفت أسماء شريف منير ، اليوم الثلاثاء ، عن حبها الشديد للموسيقى والأغاني ، موجهة رسالة طويلة إلى الملحن إيهاب عبد الواحد، الذي لحن لها أغنية برنامج" أنا وبنتي" مع والدها الفنان شريف منير.
وكتبت: من احلي الحاجات اللي حصلت لي في تجربة برنامج انا وبنتي اني اتعرفت وكان ليا الشرف ان اغنية التتر تكون من ألحان فنان رهيب موهوب وكبير زي ايهاب عبد الواحد هقولكم ليه وليه هي حاجة مهمه بالنسبالي".
وأضافت: المزيكا بالنسبة لي هي غذاء الروح والقلب.. طبعًا تيجي بعد سماع وقراءة القرآن الكريم.. انا بحب المزيكا من وانا طفلة مش فهمه حاجة، وأبويا هو اللي حببني فيها... كان بيحط سماعات علي بطن امي عشان يتواصل معايا بطريقته، وده غذا فيا حاجات كتير".
وتابعت: كان نفسي صوتي يكون حلو عشان الغنا هو اللي كنت ممكن اعبر بيه عن حزني وفرحي واي احساس عايزه اعبر عنه أو لو كنت اتعلمت آله موسيقية كنت برضه هعرف أطلع طاقتي بيها بس للاسف معنديش الموهبتين دول عندي حاجة تانية وانا شايفاها مهمه برضوا وهي اني بعرف اسمع واحس".
وأكملت: المزيكا بجد، علي فكرة تأثيرها عليا مش قليل خالص، اي حاله انا بحسها في اغنية بتعبر عن احساسي ده وفي اغاني تقدر تغير مودي وتخليني مليانة طاقة أو سعادة وكتير بتملاني طاقة حب، وهنا بقي يجي سبب فرحتي اني اشتغل ع شخص مليان كل الطاقات والحالات دي".
