فكرتينى بسمكه جميله
كنت صايدها
كنت ساعتها في تانيه اعدادي
لابس شورت وجزمه كوتش
وكنت بحب الصيد والطُعم
وكنت بموت في أجازه الصيف علشان أجري وأطير على الريف
واعمل سناره من البوص
وافحت في الأرض واجيب دود
واقعد من النجمة على الترعه
اغني واصفر واشرب شاي
واكل لقمه وجبنه قريش
كنت ساعتها في غايه المتعه
زي ما اكون في اللحظه دي هي
بس عشان ما انا كنت بروح
شكلي ملخبط متعاص طين
امي كانت بتزعقلي
وتهددني أننا هنسافر
كنت بعاند بس بخوف
ولأول مره بعد 23 شتاء
راجع احس بنفس الشيء
وانت معايا
لقيت الصيف والصيد والطعم
لقيت غنايا وشايي
وعيش من نفس الطعم
حسيت بالفرحه وبالخوف
حسيت بالتهديد من أمي الله يرحمها
