جاء شادي سرور يعلن اعتزاله ترنداً خلال الساعات القليلة الماضية بعدما قرر الشاب الكوميدي إنهاء مسيرته اليوتيوبية بإعلانه الاعتزال عن تقديم أي شيء كوميدي لنشطاء مواقع التواصل الاجتماعي بعد مسيرة استغرقت 4 سنوات حقق منها نسبة مشاهدات عالية وشهرةً في السوشيال ميديا.
شادي سرور يعلن اعتزاله
نشر شادي سرور عبر صفحته الرسمية على موقع التواصل الاجتماعي فيس بوك، مقطع فيديو جاء بعنوان: "آخر فيديو ليا على السوشيال ميديا".
وقال شادي سرور في الفيديو "ما بقتش عارف أعمل أيه، أفلام، فيديوهات كوميدية، أغاني، أسافر أمريكا أصور من هناك، مافيش حاجة بترضيهم، ومبقتش عارف أعمل أيه؟"، في إشارة منه إلى المهاجمين له.
وقال شادي سرور كثرة الانتقادات سببت له حالة نفسية سيئة، موضحاً "دخلت في حالة اكتئاب، لدرجة أنيّ ما بقيتش طايق أعيش"، متسائلًا عن سبب كره الناس له، مختتماً كلامه بـ "أنا قررت إني مش هعمل فيديوهات تاني، ومش عايز أعيش تاني بردو".
شادي سرور .. الاعتزال بعد مسيرة السرقة
المتتبع لمسيرة شادي سرور عبر يوتيوب يجد أن أول فيديو نشره كان بتاريخ 26 ديسمبر سنة 2013 م بعنوان "لما أبوك يتحول"، غير أنه لم يكتسب شهرةً إلا في 21 نوفمبر عام 2014 م بفيديو فيلم "إبراهيم الأبيض" والذي حقق نسبة مشاهدات عالية.
بنى شادي سرور مجده بتقليد فيلم إبراهيم الأبيض، غير أن الفكرة نفسها مسروقة من مجموعة لوكا وكيمو عبر يوتيوب والتي قامت بتقليد فيلم إبراهيم الأبيض يوم 28 نوفمبر سنة 2013 م.
واصل شادي سرور مسيرة سرقة الأفكار من خلال فيلم تيتانيك النسخة المصرية والذي مثله مع الفنانة بشرى وأجمع الكثيرون على فشله، غير أن أبرز ما تعرض له الفيلم اتهامه بسرقة جمل الفيلم من صفحة ساخرة على موقع "فيس بوك" تحمل اسم "تمت الترجمة"، سبق ونشرت عدد من "الإيفهات" على الفيلم العالمي.
أدمن صفحة تمت الترجمة "خالد مختار" نشر بيانا اتهم فيه شادي سرور بالسرقة وقال فيه " من ناحية أخرى كتب خالد مختار الذي يؤكد امتلاكه لفكرة الفيلم "أحب في البداية أشكر ربنا إني متفقتش على بيع اسكريبت ألبوم تيتانيك لشركة digisay أو تم اضافتة لاسكريبت شادي سرور اللي مافيش فيه أي اسكريبت أساسًا ولا حتي ينفع يبقى شات بين اتنين عندهم 14 سنة علي فيسبوك بس للأسف برضو السرقة والحك في أي حاجة ناجحة علي سوشيال ميديا ده مبدأ عند الشخصية الملزقة اللي اسمها شادي سرور ودي مش أول مره يسرق ويحك في شغل ناس تانية وبرغم رفضي التام بأنهم يخدوا حاجة من شغلي برضو وبكل بجاحة سرقوا أربع حاجات من الألبوم في الفيلم اللي المفروض كوميدي ده واخدين كوميك قديم كنت عامله 2013 وسارقين 3 حاجات تانين من الألبوم وده شغل لوي دراع قديم أوي في تاريخ الصفحة ... بسبب أداء بشرى وهي بتقول هارجع وحياة أبوك يا شاك ولا وهو بيقول "الدنيا ساكعة دلوئتي" بصوته المستفز ده غير أن من وسط مليون مهرجان اختاروا المهرجان اللي جيه في بالي وانا بكتب اسكريبت الألبوم بتاعي غير أن فكرة تصوير الألبوم مكتوبة ومتسجله وللأسف لو جبت صورته دلوقتي هيقولك بيقلد شادي سرور! ما علينا أنا بس عايز اقولهم أنا لا هاروح أرفع قضية عليكوا ولا هوجع دماغي عشان خاطر كام إفيه اتسرقوا من شغلي وشركة تشجعه علي سرقة الأفكار من السوشيال ميديا وتكسب من وراه فلوس وكفاية عليكوا إنكوا شوفتوا بعينكم أسوأ رد فعل على "كونتينت" إنترنت في التاريخ، مبروك".
شادي سرور .. الغرور الذي قتل صاحبه
وواصل شادي سرور سقطاته عقب إعلانه عن حاجته لمصوِّر شاب، ليكون المصوَّر الدائم له ولكل أعماله، وكانت سقطات شادي سرور بسبب شروطه حيث اشترط في من يتقدم لهذه الوظيفة أن يتفرغ له بشكل كامل "لأنه هيسيب حياته كلها وهيعيش ويشتغل معايا أنا بس.. بيعرف يصور فيديو وصورة محترف، ويكون ما بين عمر ١٩ لـ٢٤ سنة"، على حد قوله.
وقال شادي سرور "ويبقىأصيل ومحترم ويعرف الأصول وعينيه مليانه لأني هتبنى موهبته وهيعيش وهيسافر معاية وهعامله كأخ ليا، ويكون حابب الشغلانه ومش هيشتغل عشان فلوس بل للنجاح والتفوق".
أما فيما يخص مميزات هذه الوظيفة، فأوضح أنها تتمثل في مرتب شهري مبدئي بقية ٢٥٠ دولار، وسيزيد مع زيادة راتب “سرور” الشخصي، موضحًا أنه من المتوقع أن يصل الراتب إلى ١٠٠٠ دولار شهريًا مع نهاية العام.
أضاف كاتبًا: "هكون مسئول عن أكله وشربه، ومسكنه ومتطلباته اللي هشتريه لنفسي هشتريه ليه، هوفر له كل الامكانيات للتصوير المحترف، وهيكتسب الشهرة لحساباته علي مواقع التواصل، وهيبقي طول الوقت معايا وهيبقي زميل العمل لحلم الوصول للعالمية كأكبر صانع فيديوهات في العالم كله".
اختتم شادي سرور حديثه كاتبًا: "تخيل اتنين مش بيعملوا حاجة في حياتهم غير شغل ممكن يوصلوا لايه؟، مشددًا على ضرورة إرسال البيانات الشخصية والأعمال السابقة لإثبات موهبته، والحالة الاجتماعية كعمل الأب ومكان السكن، قائلاً: "الاتفاق بعقد حتي ثبوت النية الداخلية، لأن صعب تلاقي إنسان كويس في الزمن ده"
