علقت الفنانة شيرين عبد الوهاب على أزمتها الاخيرة التي اثارت الراي العام، بسبب تداول بعد الأقاويل التي تشير إلى اسائتها للدولة المصرية فى اخر حفلاتها برأس السنة.
وقالت شيرين فى مداخلة هاتفية ببرنامج "الحكاية" الذي يقدمه عمرو أديب على قناة "MBC مصر: انا لما حللت الموقف بتاع السماعات والمرايات اللي ورايا حسيت اني بفهم فى الحاجات دي.. وكمان الناس الـ 25 فرد اللي علي الترابيزة اللى اتكسرت ووقعت عليهم لو فيه طفل كان ممكن يتكسر فحبيت الم الموقف اني اقول للناس اهلا بيكو وكله هيتصلح حالًا".
وتابعت: انا مش بعمل حوار يعنى هحط على كلامي شوية نقط.. وانا موجودة وبتكلم معاك وبقول للناس اللي بتسمعني واللي يهموني مسمحش لحد انه يشكك فى حبي لبلدي.. اسفة ده خط احمر.. احنا قوتها الناعمة ومحبوبين جدا .. وانا مش زعلانة بالعكس مبسوطة عشان الدنيا بتفوقني يمكن المكانة اللي بقيت فيها متسمحليش بالهزار دلوقتي هحط سستة على شفايفي.. وحسام قالي لا ياحبيبتى مش للدرجادي لما يكون حد فاهمك غلط لازم توضحي له الصورة".
