تعتبر
السينما ملجأ لكثير من الأفراد الذين يذهبون إليها لأنها تعبر عن أشياء بداخلهم وذلك من خلال كلمات بعض المشاهد، وبالأخص امرأة في مشهد.
امرأة في مشهد اليوم من فيلم
"أنا حره" التي جسد لنا دور الفتاة المتمردة على قيود المجتمع، الرافض لحقوق المرأة وحريتها وكيف يكون الصراع بين الفتاة المتمردة والمجتمع التي يفضل الذكور عن الإناث.
امرأة في
مشهد دارت بين "أمينة حسين زايد" لبنى عبد العزيز، "العريس أحمد حلمي" كمال ياسين وجاء نص المشهد كالآتي الآتي:
امرأة في مشهد
- أقدر أعرف إنتي ليه عايزة تخشي الجامعة ؟
= عشان أتعلم
- العلم في الكتب، مش ضروري تخشي الجامعة عشان تتعلمي
= محدش يصدق إني تعلمت لو مكانش في إيدي شهادة
- عايزة الشهادة تعملي بيها إيه؟
= تبقى سلاح بإيدي، استغنى بيها عن الناس
- حتى عني؟
= جوزي طول مهو يقدر يصرف عليا يقدر يذلني، ويفرض عليا إرادته ويعمل فيا اللي هو عايزه
أنا استحملت كتير عشان كنت محتاجة لعمتي ولجوز عمتي
مقدرش أفضل مستحملة عشان محتاجة لجوزي
- الجواز مش أكل عيش يا أمينه، الجواز يعني اتنين بيحبوا بعض وبيثقوا ببعض وعايزين يعيشوا مع بعض
والراجل مبيصرفش على مراته عشان يذلها إنما عشان محتاجلها زي ما هي محتاجة له ويمكن أكتر
هما الاتنين بيتعاونوا على الحياة، هو بيشتغل برة البيت وهي بتشتغل في البيت
= بتشتغل في البيت خدامة يطردها وقت ما هو عاوز ويمرمط فيها زي ما يعجبه، وافرض الحب اللي بتقول عليه دة انتهى تعمل إيه الست
تستحمل لأنها مضطرة تعيش معاه عشان كدا لازم يبقى معايا شهادة
مضطرش أقعد في بيت مش عايزة أقعد فيه وأبقى حرة
جوزي يفهم إني زيي زيه أقدر استغنى عنه زي ما يقدر يستغنى عني ويمكن لما يعرف كدا يحترمني ويبقى عليا
- عمر ما راجل احترم مراته عشان عندها شهادة، الراجل بيحترم مراته لأنها ست محترمة ويبقي عليها لأنه محتاج لها وسعيد بيها لأنها جزء من حياته.
اقرأ أيضا|
امرأة في مشهد.. هي الواحده لو لبست احمر يبقي خلاص في راجل!