اعلن الاعلامي
عمرو أديب، خلال تقديم برنامجه "الحكاية"، المذاع عبر قناة "ام بي س مصر"، عن نجاح علماء الآثار فى اكتشاف حضارة جديدة مجهولة فى الصحراء الغربية.
وقال
عمرو أديب بطريقته الكوميدية المعروفة: "مشكلتي فى الآثار المصرية والحضارة المصرية أن بعض الناس عندها مشكلة من قلة الحضارة من قلة الآثار.. انا شايف أن المشكلة في مصر اليومين دول بقت كثرت الآثار.. خد الجديدة انا بقي لا هقولك ولا تمثال ولا 40 ألف قطعة ولا سخمكا ولا قناع.. لا مصر ولادة".
وتابع "اديب": "قالك فى الصحراء الغربية حضارة جديدة مصر بتكشتف حضارة مش بتكتشف آثار.. حضارة جديدة مش الفرعونية ناس تانية وقالك عندهم اشكال دائرية وهلالية من آلاف السنين حضارة أخري مش الفرعونية كان عندنا حضارة تانية.. يكتشفوا فى مصر الان حضارات اخري مش كفاية علينا الفراعنة والآثار القبطية والإسلامية والرومانية واليونانية ويقول لك هنطلع ان شاء الله القبر بتاع كليوباترا وانطونيو.. قالك لا ارمي ده بقي كله.. خد بقي عندك حضرة تانية فى الصحراء الغربية".
وأكمل
عمرو أديب: "انا بناشد وزير الآثار والنبي يا عم ما تطلعها دلوقتي خليها عندك شوية هنوديها فين.. المتاحف فى مصر دلدقت من كتر الآثار.. ايه البلد دي وايه العظمة بتاعتها دي وايه اللي كانت بتعمله ده.. كان في ايه بيجري فى البلد دى زمان يا جماعة.. هو احنا كنا بنعمل ايه.. الناس دي كانت بتشتغل قد ايه.. الناس دي كانت بتعشق التراب ده قد ايه.. كان بتبني ازاي في أجواء لا يمكن العيش فيها ايه العظمة دي ايه العبقرية دي".
