وجه الفنان محمود متولي رسالة إلى
الممثلة منى فاروق في أزمتها الحالية التي تمر بها بعد القبض عليها في قضية "الفيديو الإباحي".
ونشر الفنان محمود متولي صورة تجمعه بـ "منى فاروق"، عبر صفحته الشخصية على موقع التواصل الاجتماعي "فيس بوك" وكتب قائلًا: أيوة هي مني فاروق زميلتي واللى بدأنا حلمنا سوا، أيوة هي مني فاروق الجدعة بنت البلد اللى ضحكتها مكانتش بتفارقها، هي مني فاروق اللى كانت في أي مناسبة هي تبدأ وتدخل على أي جروب إحنا فيه سوا من أول ما بدأنا على الواتس آب تدخل تقول كل سنة وانتوا طيبين ومع بعض".
وتابع نجم مسلسل "الأب الروحي" قائلًا: هي مني فاورق أول واحدة ممكن تباركلك برسالة أو تليفون على حاجة عملتها وفي عيد ميلادك تجمع الناس، هي اللي وقت ما احتاجتها طبطبت عليا وساعدتني، أيوة والله هي إنسانة طاقتها حلوة وبتدخل أي مكان وهي مبتسمة ومبهجة وكان عندها حلم نفسها تحققه، أيوة هي اللى انتوا مرحمتوهاش لما وقعت، هي اللى دلوقتي انطفت واتوجعت وحياتها باظت، أيوة هي غلطت بس احنا اللى بنحاسبها وبندمرها نفسيا ونسينا أن فيه ربنا فوق".
اختتم "متولي" قائلًا: "حقك عليا يا منى.. أنا مكنتش عايز أكتب حاجة عن الموضوع، بس طالما أنت ظهرتِ واتكلمتِ يبقى واجب عليا اكتب اللى أنت تستحقيه، ارحموا الناس أرجوكم واستروهم ربنا يستركم دنيا وآخرة".
