تعتبر السينما ملجأ لكثير من الأفراد الذين يذهبون إليها لأنها تعبر عن أشياء بداخلهم وذلك من خلال كلمات بعض المشاهد، وبالأخص
امرأة في مشهد واليوم ستكون البطلة هي فاتن حمامة من فيلم دعاء الكروان.
امرأة في مشهد
- افتحي يا امنه... اللي حصل لا انا ولا انتي لينا يد فيه، انا كنت فاكر شعوري ناحيتك عاطفة زي كل العواطف اللي مرت عليا، تاخد وقتها وتروح لحالها، أنا ما اقدرش أغالط روحي اكتر من كدا انا بحبك يا امنه وانتي كمان بتحبيني..
= اني بكرهك بكرهك، وهفضل طول عمري اكرهك
- انتي بتقولي كدا فاكرة اني بخدعك زي زمان صدقيني يا امنه انا لما ضميتك لصدري، كان ضميري سليم وقلبي خالي من الشر لأول مرة في حياتي
انتي يا امنه حبي الاول وحبي الاخير ومش قادر اعيش من غيرك.. تقبلي تتجوزيني ؟
ساكتة ليه فاكرة اني بضحك عليكي بكلمتين ولا هترجعي تقولي، انا سيد وانتي خدامة ! يا امنة الحب مافيهوش سيد وعبد... رد عليا تقبلي تتجوزيني ؟
= يستحيل
- ليه يا امنه، ليه تحكمي عليا بالعذاب ؟!
= انا اللي حكمت عليك بالعذاب ولا انت اللي حكمت علينا بالعذاب ؟!
انا دخلت البيت دا عشان اشوفك بتتعذب عشان اشوفك مذلول تحت رجليا، عشان اشوف في عنيك كل اللي غويتهم وبكيتهم.. فاكر لما قولتك اني ليا اخت قتلها الحب ؟ كانت هنادي
- هنادي اختك؟!
= ماتت بسببك، قتلها خالي.. قتلها هي المجني عليها وانت اللي جنيت عايش حر مافكرتش فيها يوم !
ما قولتش راحت فين ؟! عاملة ايه؟ عايشة ولا التراب اللي تواها كان احن عليها منك ! لكن هتفتكر فيها ليه !
هنادي خدامة..حياتها رخيصة وعرضها مالوش تمن
- يا ريتك قتلتيني بدل ما تسبيني طول حياتي اعذب
= دا اللي كنت ريداه يوم ما جيت البيت
اقرأ أيضًا| امرأة في مشهد| ماري منيب.. اسأليني أنا.. دانا مدوباهم اتنين
