اشاد الاعلامي عمرو أديب، خلال تقديم برنامج "الحكاية"، المذاع عبر قناة "on e"، بالتطور الكبير الذي شهدته محطة المرج الجديدة بعد إعادة تجديدها.
وقال عمرو اديب: "بحس ان المواطن في مصر وأي مكان بيفهم اكتر معنى التقدم والتطور من حياته اليومية العادية ..مثلا انا اقولك مصطلحات زي معدل النمو فى مصر .. ميزان التجارة .. الناتج العام .. الناتج المحلي .. مستويات التضخم .. مفاهيم صعبة على المواطن، لكن فى مصر وبرة يفهم الناس التقدم من خلال الأشياء اللي بيمسكها فى ايده .. يمشي يلاقي طريق جديد كويس فيفهم أنه نمو وإصلاح اقتصادي".
وتابع "اديب": "انا سعيد بيه بالمحطة الجديدة المرج .. دي من المحطات القديمة والناس كانت بتعاني فيها فعلا .. هنا المواطن يفهم يعني ايه إصلاح اقتصادي يعني ايه حاجة جديد يعني ايه فيه فلوس بتتصرف .. 600 مليون جنيه مصروفة على المحطة .. شكلها اتغير بقت محطة جديدة جميل آدمية محترمة تضارع أي محطة موجودة فى الخارج".
