في إحدى الحوارات العبقرية للكاتب العظيم محمود أبو زيد، ذلك المؤلف صاحب "الدماغ المتكلفة..اللي بيعرف يجيب الكلمة من الشمخ الجواني".
دار حوار من أكثر حوارات السينما المصرية عبقرية وإبداع، حينما كانت السينما تمتاز بالعبقرية والحكمة وتناقش قضايا الفساد والمخدرات ولكن بدون خدش حياء المشاهد، حينما كان رواد السينما كتاب ومخرجين عظماء مثل يوسف شاهين، محمود ابو زيد، داود عبد السيد، ووحيد حامد، وغيرهم كثير ممن أفنوا قبل أن يأتي السبكي وأعوانه ليفسدوا معنى السينما الحقيقي.
مشاهد لا تنسى
=يعني أصلك قهوجي
-قهوجي وبارمان وصاحب كباريه
=كمان
-الكيف شهوة، والشهوة هي اللي بتشد القرش من جيوب الناس
=أنت شيطان
-الناس هما اللي مغفلين، وفي شهوتهم غرقانين،
=ما انت والغشاشين اللي زيك اللي بتغرقوهم
-إللي يقف علي البر ميغرقش، إحنا مضربناش حد علي إيده، إللي بيحبنا هو إللي بيرمي روحه في حضننا
=في دي معاك حق
-زمان كنت بغش الشاي بنشارة خشب وابيعه في بواكي شكلها حلو، مكتوب عليها شاي “ابو الأصول” كسبت والماركة بقاليها إسم وسَمعِت وفجأة، النشارة غليت والنجارين اتملعنوا عبينا الشاي من غير نشارة وتعرف حصل ايه؟
=حصل ايه؟
-اتخرب بيتي وفلست الزباين طفشت وقالوت عليا غشيت الشاي، مش بقولك مغفلين
=هما إللي مغفلين، ولا انت والغشاشين إللي زيك إللي فستدوا ذوقهم، عودتوهم علي الوحش لغاية ما نسيوا طعم الحلو.
- كلامك حلو زي يوسف بك وهبي على المسرح
الكيف فيلم مصري يناقش قضية المخدرات وتأثيرها على المجتمع من كتابة محمود أبو زيد وإخراج علي عبد الخالق وبطولة يحيى الفخراني ومحمود عبد العزيز ونورا.
اقرأ أيضًا: مشاهد لا تنسى | مكنش يعرف إن الاسم ده هيبقى حالي طول العمر منسي
