هنأ النجم
تامر حسني والدته بمناسبة
عيد الأم ، كما هنأ جميع الأمهات التي مازالت على قيد الحياة ، ودعا بالرحمة لمن ماتوا ، وأعرب عن حبه الشديد لوالديه.
تامر حسني في عيد الأم
نشر الفنان تامر حسني منذ قليل عبر صفحته الشخصية بموقع التواصل الاجتماعي " فيسبوك " ، رسالة يوجه من خلالها التنهئة لوالدته كما قام بتهنئة والده أيضًا و أراد أن يوضح سبب تهنئته له في أخر منشوره .
رسالة تامر حسني لوالدته في عيد الأم
وقال الفنان تامر حسني في رسالته : " كل سنة و كل أم طيبة وربنا يرحم كل أم مش معانا .. كلامي النهاردة هيكون خاص بالأم والأب لسبب هقوله في الآخر".
وأضاف تامر : " من يوم ما طلعت وأنا بوصيكوا دايماً برضى الوالدين وهفضل أوصيكم لحد آخر يوم في عمري عارفين ليه ؟ عشان من خلال تجربتي والناس اللي حاولت تأذيني ظلم في حياتي وصرفوا فلوس كتير عشان يكتبوا عني كلام غلط مش فيا النهارده مش موجودين لا هما ولا اللي صدقوهم و ده بفضل سند دعوات أمي و أبويا ايوا إجتهدت وتعبت بس اللي راضي أمه وابوه هيفهم قصدي".
واستكمل كلامه قائلًا : "كل سنة وانتي طيبة يا أمي يا عظيمة ياللي عمري من خيرك و شكراً يا أبويا يا عظيم على حاجتين
الأولى عشان مجهودك معايا طول حياتي حتى لو كنت احياناً بعيد غصب عنك
والتانيه عشان اخترتلي ان الست العظيمه دي تبقى أمي" .
وختم تامر رسالته قائلًا : " بطلب من ربنا كل يوم وبدعي يارب ولادي يحبوني انا و مامتهم زي حبي لابويا وأمي
كل سنه وانتي طيبه يا ماما بسمه وربنا يحفظك ويخليكي ليا ويقدرني و اسعدكم طول عمري".
اقرأ أيضًا : صورة| محمد رشاد مع والدته في عيد الأم 2019