أثار منشور
أكرم ابن الفنان محمود البزاوي، الهجومي على
صناع عمل فيلم"كازابلانكا» ، الجدل؛ فقد
هاجم أكرم صناع الفيلم بسبب طرح البوستر الدعائي للفيلم بدون والده الفنان محمود البزاوي.
ابن محمود البزاوي يهاجم فريق عمل كازابلانكا
وجاء
هجوم أكرم أبن محمود البزاوي على فريق عمل فيلم كازابلانكا، من خلال نشره أفيش الفيلم عبر حسابه الشخصي بموقع التواصل الاجتماعي فيسبوك وعلق على الصورة قائلا: مبدأيا ابويا ماعندوش اي فكره عن البوست ده، انا ابويا طيب ويمكن طيبته دي هي اللي كانت سبب في تأخير نجاحه".
ابن محمود البزاوي عن فيلم كازابلانكا في ناس مش مقتنعه بـ أبويا
وأضاف «وانه كتب من الباطن كتير مثلا زي ما قولت قبل كده وكان دايما بيعمل حاجات وتنجح ومفيش حد يعرف انه لي دور في نجاح العمل ده بس اللي كان بيصبره ان ربنا هيعوض».
وتابع" وبعد ما قدر يوصل بدراعه للي هو فيه لسه في ناس مش مقتنعه بي.. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه احسن لأنه في نظرك مش الشخص اللي يفيد في رأي الشخصي ناس كتير بتعرف تتصور بس مش الكل بيعرف يمثل".
وتابع« واسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي، ملحوظة ابويا قالي انه عامل دور مهم في الفيلم ده.. ويمكن بيكدب عليا وطالع كومبارس.. ساعتها هاتأسف على البوست».
وجاءت ردود أفعال كبيرة من النجوم بعد هجوم ابن محمود البزاوي على صناع عمل فيلم كازابلانكا، فيما علق الفنان أحمد السعدني قائلا: مش بالافيشات يا ابني ابوك ممثل واب وانسان عظيم، إلى أن رد المخرج بيتر ميي هو الذب أثار الجدل بعدما كتب" يا اكرم عيب الكلام ده، ابوك اهم من بوستر واهم من الفيلم كله علشان تقول كلام زى ده تصغره، مش بوستر مبدئى يخليك تحس بكده، ده محمود البزاوى صلاح بيه الطوخى والبوسترات بتختفى بعد شهور وبيفضل الفيلم".
فيما رد عليه ابن محمود البزاوي قائلًا: «حبيبي يا استاذ بيتر انا مش قصدي اصغر ولا اكبر ويمكن انا مع اللي بحبهم مش بس ابويا كده.. انا مشكلتي مش مع البوستر والله خالص.. أنا بالضبط زي اللي بيجيبوا ابويا في برنامج مثلا ويقولوا في البدايه مساء الخير استاذ محمد البزاوي.. طالما عايز محمد جبت محمود ليه».
اقرأ أيضا: فيديو| محمود البزاوي في أصول اللعبة:« شاركت في أول عمل فنى بالبيجامة»