طباعة

1- خدي بالك من التريندات:
أول حاجة مهم انك تعرفيها وتعمليها عشان تعرفي إزاي تنسقى هدومك صح أنك تاخدي بالك من التريندات والجديد في الموضة.


2- اتعلمي إزاي تنسقي القطع المختلفة:
مهم جدا انك تعرفي إزاي تنسقى القطع المختلفة وتوفقي ما بينهم عشان تطلعي من نفس القطع ستايل ولوك مختلف في كل مرة، وبكده تكوني استغليتي كل قطع الملابس اللي عندك صح حتى لو كانت قليلة.


3- استغلي القطع الأساسية والكلاسيكية:
قطع الملابس الأساسية أو الـ basic زي التيشيرتات السادة والبنطلونات الجينز والقطع الكلاسيكية زي البلوزات والبنطلونات القماش والبليزرات مهمة جدا في دولابك، لأن القطع دي مش هتخذلك أبدا ودايما هتساعدك تعملى لوك عفوي، حلو وشيك استثمري دايما في قطع زي البنطلونات الجينز والجاكت الجملي والبنطلون الكلاسيك القماش.


4- تأكدي دايما أن كل هدومك مقاسها مظبوط:
ودي تعتبر أهم نصيحة في اي حاجة تلبسيها، لازم كل حاجة يبقى مقاسها مظبوط عليكي لا تكون واسعة زيادة ولا ضيقة زيادة، اعملى التعديلات المناسبة وحاولي وانتى بتشتري هدومك إنك تشتري الحاجة مقاسها مظبوط من الأول.

5- اهتمي بالإكسسوارات:
الإكسسوارات مهمة طبعا، حتى لو كانت قطعة واحدة وحتى لو كانت من حجم صغير، مهما كانت القطعة اللي انتى لابساها بسيطة الإكسسوارات هترفعها لمستوى تاني خالص.

6- دايما جربي:
ماتخافيش انك دايما تجربي حاجات جديدة، ستايلات مختلفة عن اللي انتي متعودة عليه وألوان ماجربتيهاش قبل كده ونسقي حاجات مختلفة وجربي حاجات ماتعودتيش عليها عشان دايما تحسي أن ستايلك متجدد ومختلف.