طباعة

في غرفه الدور الرابع، اليوم، هنكمل باقي حديثنا عن المناعة النفسية، وبصفة عملي في مجال الدعم النفسي في مستشفى بهية، حرصت على تقديم غرفة الدور الرابع، يوميا على «بوابة المواطن»، من أجل الدعم النفسي لكل من يحتاج هذا الدعم.

غرفة الدور الرابع

واستكمل نصيحة غرفة الدور الرابع اليوم، في الأتي:

بص على الصورة الكبيرة:
الحياة مليانة تفاصيل وفيها الأبيض والأسود والألوان، ماتتزنقش في تفصيلة صغيرة وتقفش على نفسك أوعلى الناس لأن الصورة الكبيرة هي اللي فيها المعنى الكامل، أوعى تدخل نفسك في لعبة اللوم ومين الغلطان لأن محدش بيطلع منها كسبان، لا تقارن نفسك بأحد ومين دمر حياتك بسبب موقف عمله معاك، ولا تلوم نفسك إنك عملت غلطة كبيرة ومالهاش حل وانت مسئول عن كل كوارث كوكب الأرض، الصورة الكبيرة بتبلع كل التفاصيل بحلوها ومرها، المهم نتعلم.

اتعلم تستخدم المرح وتقدره:
أحيانا بيسموها الكوميديا السوداء، لكن حتى وسط الوجع تقدر تقف على أطلال بيتك المهدوم بعد ما اتحرق وتعرف تقول نكتة وانت موجوع، الضحكة في الأوقات دي ممكن يبقالها مفعول السحر وساعتها تقدر تبني بيت أجمل وأصلب بكتير من العيشة اللي اتهدمت، بس عشان سمحت لنفسك تضحك على الوجع.

وخد بالك أن الضحك علاج وبيرفع كفاءة الجهاز المناعي فى الجسم وبيقويه.

اقرأ أيضا غرفة الدور الرابع| «ازي تحل مشاكلك لوحدك»