حل الفنان "محمد رمضان" ضيفًا مع
الإعلامية "ديانا فاخوري" عبر قناة "صوت بيروت" مساء يوم
الأثنين، ليوضح وجهة نظره في بعض الأمور، ويرد على الهجوم الحاد والمواقف التي
تعرض لها في الفترة الأخيرة.
وأوضح "محمد رمضان" عن وجهة نظره في
جملة "نمبر ون" ووصف البعض له بالغرور معلقًا: "نمبر ون هو هدف أي
شخص ناجح في الحياة"، مضيفًا: "أنا شخص طموح، والطموح والغرور لا
يجتمعان في رجل واحد".
واستكمل حديثه "أنا اتولدت في عائلة
متوسطة ومحققتش واحد في المية من أحلامي، وجملة "نمبر وان" بقيت في
اللاوعي عند الجمهور".
وعلق "رمضان" عن الإنتقادات التي تعرض
لها بسبب عرض ممتلكاته وخاصة الصابونة الذهب التي أثار بها الجدل خلال الفترة الأخيرة
وقال : "اللي بينزعجوا من الموضوع ده مليونيرات"، مشيرًا : "من
المستحيل الطبقة الفقيرة تنزعج مني، واللي راكب مرسيدس هو اللي بيزعل وبيغير من
اللي راكب لامبورجيني، أما الشخص اللي مش راكب حاجة خالص بيتبسط للنجم اللي طلع من
وسطنا وحقق النجاح ده".
كما أضاف "البعض بيشوهوا صورتي وبيحاولوا
يوقعوني، لدرجة أني بحس أنهم بيتكلموا عن حد غيري، لدرجة إن الشيوخ بيتكلموا عني
في الجوامع، لكن محدش يقدر يبكيني إلا اللي بحبهم من قلبي".
وتحدث "نمبر ون" عن تجربته في الغناء موضحًا: "الكليبات بتاعتي فيها قوة وأنا اخترت مدرسة مختلفة، والغناء جه
بالصدفة، أنا صوتي حلو في نوع مزيكتي ولو مطرب مستحيل يغني الأغاني بتاعتي، لأني
بغني بسرعة وأهم مطرب مش هيقدر يعمل زيي ومينفعش أجيب مهندس أقوله أبقى دكتور".
وأستطرد: "أنا نوع مدرسة
في الغناء ملهاش علاقة بالطرب، ولكن موجودة وهما الأعلى أجرًا وجماهيرية في العالم،
وهي جديدة في مصر، والمطرب اللي بيقول آه يا ليل صوته هيكون وحش في الأغاني بتاعتي".
