استضافت الإعلامية "إسعاد يونس"
الفنان "جورج وسوف" على شاشة "دي أم سي"، ليتحدث عن حياته الشخصية
والفنية والمواقف التي تعرض لها ي مسيرته الفنية.
وتحدث "جورج وسوف" خلال لقائه عن الاعتزال معلقًا: "لم أفكر في الأعتزال، وربنا خلقني عشان أغني، وأنا مستمتع، وربنا خلقني
في الدنيا عشان أعطي، وأنا مش هعتزل أبدًا، وفيه حد قالي روح موت أو انتحر، طول ما
ربنا مديني القدرة أنا مش هعتزل".
وأوضح "أنا بغنى للعاشق والغلبان واللى فاقد حبيبه واللى ابنه مسافر، وبغنى لكل
الناس وبغنى بإحساس كأني مكانه، والجمهور عشقي وكل حياتي".
وأضاف "سلطان الطرب": "كلمة مصر تعنيلي كل حاجة، وأنا كبرت على أغاني العمالقة، وجمهور مصر بيحب من
قلبه ومابيعرفش يكدب أو يجامل، و90 % من أرشيفي مصري، وأغنية حلف القمر بتطلب مني
في كل الحفلات".
وأسرد عن رأيه
في اتجاه الغناء الجديد مشيرًا: "اتجاهات الغناء
في علم الله، وأنا مش ضد أغانى الشباب الجديدة، أنا مع كل حاجة جديدة، وبحاول
أعاصر الشباب وأغنيلهم كمان، لأن لو معاصرناش الجيل ده تبقى مصيبة".
وعن عائلته
وكشف
الفنان "جورج وسوف" أن لديه أخت توأم له، وتربطه بها علاقة قوية،
مضيفًا:" في الفترة دي
أبويا وأمي الله يرحمهم كانوا بيسجلوا اتنين مع بعض، لكن أختي الكبيرة أكبر مني
بسنة، والصغيرة أصغر مني بسنة، و جو بيت أمي وأبويا بعيد عن جوي نهائيًا، أنا سبت
البيت وأنا صغير، ورحت في طريق الفن والغنا والحفلات، وأخواتي بعيد عن هذا الجو".
واختتم "في آخر فترة
حضرو لي حفلة، وفي غيابي دايمًا بيصلوا عشاني، وأنا معاهم كل يوم على التليفون، وبشوفهم
كل فترة".
