تحدثت
الفنانة وفاء سالم مع الإعلامي عمرو أديب في برنامج "الحكاية" المذاع
على قناة "ام بي سي مصر"عبر مداخلة هاتفية، أوضحت فيها عن خضوعها لعملية
جراحية تسببت في حدوث تشوهات في وجهها.
وقالت "وفاء" :" تعرضت الفترة
اللي فاتت لعمليات حقن عند دكاترة مشاهير وكبار في مجال التجميل، وكل مرة أروح
فيها لدكتور يعمل حقن ويقولي أنه هيصلح
عيب الطبيب اللي قبله".
وأضافت :"عملولي خيوط والخيوط عملتلي
تلفيات، وأتعملي حقن غلط في وشي، ولاحظت تشوهات في وجهي في الأعمال الفنية والناس
كانوا مكسوفين يقولولي، وأصدقائي كانوا بيقولولي عندك خد غير الخد التاني".
وأوضحت :"الناس كانت بتتكسف تقولي أزاي أنا
ممثلة وفي تشوهات في وشي، لحد ما وصلت لمرحلة صعبة، وكنت كل ما أروح لدكتور يقولي
مش هنقدر نعمل حاجة".
وتابعت :"أنا بوري حضرتك وشي من غير أي
ميكاب أو فلاتر، أنا وصلت لمرحلة أن أغلب الأطباء قالولي المنطقة دي في وشك منطقة
أعصاب ومينفعش نعمل فيها أي عملية، ولما قابلت طبيبي الحالي طلب مني إجراء أشعة،
ووجدنا صديد في وجهي نتيجة الحقن القديم، وتعرضت خلال الفترة الماضية لإبتزاز بسبب
عمليات الحقن وكان نفسي دا ميحصلش، أنا أتعذبت فعلًا".
وأختتمت كلامها قائلة :" الدكتور عمل العملية وصورهالي فيديو، لقى إن الصديد واصل للشبكية وللمخ،
الحمد لله ربنا أنقذني، أنقذ حياتي، بعيدًا عن إني همثل أو مش همثل، الحمد لله إنه
أنا تجاوزت دا، ورجعت بنسبة كبيرة لشكلي، رجعلي وفاء، انا عايزة وفاء اللي الجمهور
حبها ".
