طباعة

"أنتي لسه بيكتبوا أسمك بالقلم الرصاص"..ياسمين عز ترد على هجوم مايان السيد

الأحد 06/11/2022 04:40 م

منة الله نجاح

ميان السيد وياسمين عز

تصدرت الفنانة مايان السيد محركات البحث "جوجل" خلال الساعات الماضية بعد سؤالها من أحدى الصحفيين في المؤتمر الصحفي الخاص بفيلم "هاشتاج جوزني" عن رأيها فيما تقدمه الإعلامية ياسمين عز وما تتناوله في موضوعاتها ودفاعها المتزايد عن الرجل.

 

وردت مايان السيد على سؤال الصحفي قائلة: "لا تعليق، والله العظيم بجد لا مش عايزة أساعد في أنها تشتهر"، مما ادى إلى حدوث جدل على مواقع التواصل الأجتماعي وإنتشار أقاويل كثيرة من قبل رواد مواقع التواصل.

 

وقامت الإعلامية ياسمين عز بالرد على الهجوم الصادر من الفنانة مايان السيد من خلال برنامجها "كلام الناس" قائلة: "في مثل أنا بعمل بيه، وهو من دق الباب لقى الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب، وأنا هختار الرد الأدب، لأني مبحبش قلة الأدب مع إن مفيش أسهل من قلة الأدب، ولأني اللي بقوله وبطبقه على غيري لازم أطبقه على نفسي أولًا".

 

وأضافت: "ما تكوني لسه مبتدئة في بداية حياتك المهنية، ولسه بيكتبوا اسمك بالقلم الرصاص، حاولي متخوضيش معارك مجانية، متخلقيش لنفسك أعداء بدون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل أحترام وتهذيب إن الناس تسألك عنك إنتي وعن شغلك إنتي".

 

وتابعت :" إنتي بنت ظريفة، حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، أحمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين".