حل الفنان حسين فهمي ضيفًا في برنامج "حبر
سري" مع الإعلامية أسما إبراهيم، ليدلي ببعض التصريحات عن حياته الشخصية
والفنية وبعض المواقف والشائعات التي تعرض لها خلال حياته.
علاقة حسين فهمي بالفنان محمود عبد العزيز
نفى حسين فهمي عن وجود خلافات بينه وبين
الفنان الراحل محمود عبد العزيز قائلًا: "محاربتي لـمحمود
عبدالعزيز شائعة ومحدش يقدر يحارب الموهبة، واشتغلنا مع بعض وكنا حبايب وعملنا شغل
مع بعض".
علاقة حسين
فهمي بالزعيم
كما أكد على
وجود علاقة قوية تجمعه بالفنان عادل إمام موضحًأ: "أنا وعادل إمام أصحاب
جدًا ونستمتع بأعمالنا مع بعض، وكمان أحنا اصدقاء عائليًا بروحله البيت وزوجته
وأولاده أصدقائي".
غيرة عبد
الحليم من حسين فهمي
وقال حسين
فهمي: "عبد الحليم حافظ كان بيغير مني، واللي قاللي كده وحيد فريد مدير
التصوير، قلتله أنا بتهاجم جامد أوي هجوم شديد يمين وشمال وبعدين أروح السينما
ألاقي الفيلم هايل والناس مبسوطة وبعدين أقرأ الجرايد الاقي مقالات هجوم فيا".
وتابع "وحيد
فريد لقيته بيقولي مبروك على النجاح اللي عملته، فبقوله ازاي إنت شايف الهجوم اللي
عليا، فقاللي أنت فاكر أن عبد الحليم حافظ هيسكت البنت لما تشيل صورته وتحط صورتك
أكيد العندليب هيغير منك".
رأي حسين فهمي
في النقاب
وخلال لقائه
تحدث عن خطر المجتمع المصري من النقاب، مشيرًا: "أنا قلت النقاب خطر على
المجتمع ولم أقل رافض النقاب، لأن احنا مرينا بفترات كثيرة في مصر النقاب كان جزء
من عمليات إرهابية تمت في البلد".
وأضاف "أنا بقول أن النقاب خطر على المجتمع، لأننا مبنشوفش الشخص اللي لابسه، وده
منطق أمني يتطلب مننا إننا نشوف الشخص اللي بنتعامل معاه، لمنع حدوث أي شئ خطر على
المجتمع".
كما استنكر
حسين فهمي وجود المعلمة أو الممرضه مرتدية النقاب، معلقًا: "لازم أشوف اللي قدامي،
ازاي مدرسة تبقى لابسة نقابة في مدرسة فين تعبير اللغة والوجه، والممرضة إزاي تبقى
منقبة أمام المريض، وده رأيي ومش بخاف منه".
حقيقة زواج
حسين فهمي من أنغام
كشف حسين فهمي
عن علاقته بالفنانة أنغام قائلًا: "أنغام لذيذة جدًا وبحبها وهي انسانة راقية
وفنانة جميلة، بس الموضوع ده شائعة ومش حقيقي".
