كشفت الفنانة شذى عن سر خلافها مع الفنان
تامر حسني، موضحة الصعوبات التي مرت بها خلال الفترة الماضية، حيث حلت شذى ضيفة في برنامج "أنا سعيد"، المذاع على شاشة قناة "القاهرة والناس"، مشيرة إلى أن سيرة تامر حسني تقلب مزاجها.
تصريحات الفنانة شذى على تامر حسني
وقالت: "سيرة تامر
حسني بتقلبلي مزاجي، وده مش عشان أنا مبحبوش لأ أنا بحبه جدًا ، وانا وتامر عشرة
سنين، ولكن تامر من وقت وفاة والدي ووالدتي مظهرش".
وأضافت:
"ولو ظهر بيظهر كضيف شرف بس، ومش بتكلم على الشغل أنا بتكلم على الإنسانية،
أنا مليش حد هنا ومعنديش إخوات وكل عيلتي برا مصر وأنا لوحدي".
وتابعت:
" على المستوى الشخصي والمهني تامر حسني ضيف
شرف في حياتي، خاصة إني بتعرض لأزمات وضغوطات كتير في السوق، ولكن تامر في إيده انه
يصلحلي حاجات كتير أنا محتجاها".
واختتمت:
"وأنا استاهل ده، لأن الصحاب لازم يكونوا ضهر لبعض دايمًا، خصوصًا لو أنت كنت
كويس معاه قبل كده، عشان كده بزعل جداً لما بتيجي سيرة تامر، لأني مكنتش مستنية منه
حاجة كنت مستنية يسأل عليا بس".
