سأل عمرو عيد، 17 سنة، وأحد شباب «قادرون باختلاف»،الرئيس السيسي
قائلاً: «صباح الخير يا ريس، أنا عاوز أقولك إنى سعيد وفخور إنى أمام حضرتك، أمتى
حضرتك خوفت أوى على بلدنا؟».
ورد الرئيس
السيسي قائلاً: «بشكرك يا عمر وفخور إنى اقعد معاكم، وهقولك على حاجة كنت مأخرها
لما أطلع أتكلم، ولما لقيت حد بيقول، بقى لينا مكان، كأنى رجل كبير بفكر فى الدنيا
التانية، يوم القيامة ولقاء ربنا سبحانه وتعالي، فى اليوم ده صدقني وبكرة تشوفوا يوم اللقاء،
احنا اللى هنقول يا رب، احنا لينا مكان معاهم، لو قولتم اه هنيجي، ولو قولتم لا،
هيبقى موقفنا صعب».
وتابع الرئيس:
«الخوف على مصر دائم، لكن فترة 2011 و2013 و2013 و2014، ولما حصل الموجة الكبيرة
من الإرهاب، وتفجير الكنائس والمساجد ومديريات الأمن، الوقت ده كان أي حد يشوف مصر
يقول خلاص، مش عاوز الذكريات تاني نفتكرها ونخلى بالنا، ولو ليا كلمة حافظوا على
البلد دي».
3 آلاف شهيد
وتابع، «فيه
شهداء ضحوا بحياتهم من أجل البلد، 3 آلاف شهيد و12-13 ألف مصاب إصابات مؤذية، دى
ناس غالية علينا قدمت حياتهم، ونوجه التحية والسلام إلى الشهداء، ونقول لأسرهم لا
مش هننسى ولن ننسى الشهداء ولكم الأجر الكبير فى تقديم أبنائكم شهداء للحفاظ على
الدولة المصرية».
