طباعة

تحدث الفنان عمر كمال، عن التحديات والصعوبات التي تعرض لها في حياته، موضحًا بعض المواقف التي قادته للبكاء.

وغنى كمال، كلمات حزينة، أثناء لقائه في برنامج «يحدث في مصر»، مع الإعلامي شريف عامر، المذاع عبر قناة «ام بس سي مصر»،  ولم يتمكن من استكمالها وتوقف عن الغناء قائلًا: «مش هعرف أكملها».

 وقال: « أنا بحب الناس، وتعبت جدًا في حياتي علشان أوصل للناس، والناس ظلمتني أوي خصوصًا السنة اللي فاتت، وكانت فيه كومنتات كراهية محبتهاش».

وأضاف: «أنا لما جيت من السويس للقاهرة، كان معايا 10 جنيه قولت لنفسي بال10جنيه دي ياهكبرها وهنجح وأعمل كل حاجة نفسي فيها أو هفشل واستخبى في أي بلد واتدارى».

واستكمل:  «الدنيا كلها كسرت بخاطري، والناس وصلتنى لمرحلة أسال نفسى أنا وحش في إيه أو آذيت حد في إيه، حتى البنت اللى حبيتها كسرتنى وحسستني إنها مش متشرفة بيا».

وأختتم: «أتمنى أتجوز واحدة تراعي ربنا فيا وتحبني لنفسى، وتكون ذكية وآخد رأيها، وتكون حلوة عشان ما أبصش بره».