حلت الفنانة ميمي جمال، ضيفة على برنامج مساء DMC، مساء أمس الإثنين، وخلال لقائها تحدثت عن العديد من الأسرار حول حياتها الفنية والشخصية، وعن بعض الذكريات مع زوجها الراحل حسن مصطفى.
تصريحات ميمي جمال
قالت ميمي جمال خلال استضافتها، في برنامج مساء DMC التي تقدمه الإعلامية إيمان الحصري، قائلة: "اشتغلت مع عادل إمام كتير، بس مشتغلتش معاه مسرح إلا فترة عرض مدرسة المشاغبين وكانت سهير البابلي تجسد دور المُعلمة وجت فترة عينيها تعبت وكان لازم تعمل عملية في باريس".
ترشيحها للدور
وتابعت ميمي: "المؤلف سمير خفاجه رحمه الله، قال إحنا هنقف 15 أو 20 يوم ولا نشوف حد مكانها، فـ إقترح على زوجي حسن مصطفى إني أقوم بهذا الدور ولكن حسن رفض".
سبب رفض حسن مصطفى
وأضافت ما قاله حسن مصطفى عن سبب رفضه لمشاركتها في مدرسة المشاغبين رداً على المؤلف سمير خفاجه قال: "أنت عارف الصيع اللي موجودين سعيد وعادل ويونس بيقولوا إفيهات لو هي ضيعت إفيه لحد فيهم هيبصلولي ويقولوا مراتك".
واستكملت ميمي: "هو كان عارف أني ممكن أضيع إفيه لحد، وقالي هتبقى مشكلة ومش عاوز يحطني في الموقف ده، لكن سمير صمم وقال ميمي شاطرة وهتعمل الدور ده، لكن الحمد لله اشتغلت 15 يوم بعد ما سمير خفاجة أثر علي زوجي، واشتغلت فعلاً لحين عودة سهير البابلى".
