حلت الإعلامية الكبيرة ميرفت القفاص، زوجة الموسيقار القدير عمار الشريعي، ضيفة في برنامج"معكم"مع الاعلامية
منى الشاذلي المذاع عبر شاشة"cbc".
زوجة عمار الشريعي تتحدث عن وفاتهوقالت الإعلامية ميرفت القفاص خلال حديثها:"هو موجود ماماتش بالنسبالي هو في قلبي، الفترة بتاعة وفاته للنهاردة، حصل فيها حاجات كتير اوي وإلى الآن وفاته مأثرة فيا، انا كنت متخيلة انها هتعدي لكن محصلش".
عمار الشريعي ينقل خبرته لابنه بأغنيةوتابعت ميرفت القفاص أن زوجها ترك لها من أثره ابنهما مراد وكان يشعر أنه سيتركهما قريباً، ويرحل لذلك كان ينقل إلى نجله، كل كبيرة وصغيرة من خبراته، فى شكل أغنية ليتصرف مراد، بمثل أسلوب والده إذا تعرض لموقف، معين حينما يكبر.
وأضافت:"هو كان حاسس انه هيتوفى، بسبب ظروف مرضه وكمان مراد متولدش، وعمار صغير بالعكس دا عمار كان عنده ٥٠ سنة وقت ما ابننا اتولد، وكمان قعدنا وقت طويل من غير خلفة وعمره ما قالي اروح لدكتور ولكن، لما مراد اتولد وشوفت تصرفات عمار شوفت اد ايه هو كان عاوزني اخلف لكن مكنش بيظهر لي".
قصة حب الثنائيوكشفت ميرفت القفاص أنها وزوجها جمعتهم قصة حب، قبل الزواج بحوالي 3 سنوات، وحذرها اصدقائها من الارتباط به، لأن حياته عبارة عن موسيقى وغناء فقط.
بداية قصة حبهما كما صرحت أن معرفتها بزوجها عن طريق برنامجها، حيث قالت:"أنا خريجة آداب قسم انجليزى وكنت عندي برامج فى البرنامج الاوروبى وكنت من الطبيعي بدور على فنانين كتاب يعنى المثقفين اللى فى مصر بيتكلموا لغة انجليزية عشان اعمل معاهم حديث فكانوا دايما يقولولي عمار الشريعي يعرف يتكلم انجليزى وبعد ٣ سنين ومكنتش جبت عمار، ولكن سنة ٨٨ سجلت معاه".
وتابعت: "لما روحت عشان اسجل معاه خوفوني منه وافتكرت أنه بتاع بنات بقى وكدا فا اخدت واحده صحبتى معايا وانا راحة اسجل معاه حتي عمار بعد كدا لما كان بيحكي عني انا وهو كان بيقول دا جابت محرم معاها وانا اصلا كنت شوفتة قبل التسجيل دا بحوالي ٥ سنين ومن هنا بدأت حكايتنا".
