تحدثت أميرة العادلي عضو مجلس النواب عن تنسيقية شباب الأحزاب والسياسيين مع الاعلامية قصواء الخلالي في برنامج المساء مع قصواء على قناة "cbc" عن كتاب مفاهيم سياسية رؤية شبابية الذي تم إطلاقه اليوم في معرض الكتاب.
وقالت أميرة العادلي عضو مجلس النواب عن تنسيقية شباب الاحزاب: "فيه اجتماعات من شهور علشان يتم إطلاق الكتاب ودى كانت البداية احنا أطلقنا مفهوم الرؤية الشبابية لأنه بيتكلم عن الانتخابات وكل الأمور السياسية، وعلشان يكون لينا دور في المعرفة، والكتاب هيكون مسار للحوار في الفترة القادمة، واحنا طرحناه للحوار علشان يقولوا رأيهم في الكتاب وينتقدوا لو فيه اخطاء علشان نعرف اراؤهم".
متحدث تنسيقية شباب الأحزاب والسياسيين: الكتاب لا يحتوى على توجه معين
وكشفت أميرة العادلي: "تم إبراز المصطلحات السياسية الجديدة من خلال الكتاب علشان في متغير زمني بيحصل ومصطلحات جديدة ظهرت، وكنا حياديين، وفريق العمل كان من الأساسي له الحيادية، الكتاب مفهوش وجهة نظر أو توجه معين".
واختتمت أميرة العادلي:"قد ايه المبادرات الشبابية هامة جدا والكتاب جاء ليعبر عن المستجدات اللى بتحصل دلوقتى، ولابد أن نسمع وجهات النظر المختلفة والمصطلحات الحديثة، لاننا دلوقتي في عصر المعرفة والتقدم التكنولوجي".
