تصدرت أغنية «قادر أكمل» للفنان
أحمد سعد محرك البحث «جوجل»، بعد طرحها مساء أمس الأربعاء احتفالا بعيد الحب «الفالانتين» عبر قناته الرسمية بموقع الفيديوهات «يوتيوب».
وحازت أغنية «قادر أكمل» على إقبال عدد كبير من الجمهور، حيث حققت أكثر من 637 ألف مشاهدة خلال يوم فقط من طرحها، نظرًا لما تحمله من كلمات رومانسية يعبر من خلالها أنه قادر يكمل بسبب وجود حبيبته، ويلجأ لها عندما يتعرض لشىء، ويعتبرها الجزء الأجمل في قلبه وحياته، كما وصفها
بالأم والأخت وأنها تعني له كل شئ.
كلمات أغنية «قادر أكمل» لـ أحمد سعد
أيوه بسببك قادر أكمل
وقت ما بتعب ليكي بروح
لما بِبان الدنيا تقفل
حضنك أخر باب مفتوح
ياللي عيونك وقت ما بغرق
بالنسبالي دي مركب نوح
انتي الحته الحلوة في قلبي
ببقى في قربك مش قلقان
انتي حبيبتي وأمي وبنتي
وماليش بعدك تاني مكان
حببتيني في أيام عمري
رجعتيني لنفسي زمان
وأنا بين إيديكي إحساسي بيكي
لو قلت ليكي ما بيتحكيش
جيتي وبقيتي أهلي وبيتي
لو يوم مشيتي إزاي هعيش
عمرك لحظه ما نزلتيني
لا بالعكس أنا بيكي عليت
ولا بعتيني ولا خذلتيني
وبتديني أكتر ما إديت
قبل ما بندهلك بتجيني
ضهري وسندي لو اتهزيت
نصي التاني اللي بيفهمني
قبلك عمري ماهوش محسوب
حبك هو اللي مكملني
من نقصي ومن أي عيوب
إحساس بأمان بيطمني
وسط حياة مليانة حروب
وأنا بين إيديكي إحساسي بيكي
لو قلت ليكي ما بيتحكيش
جيتي وبقيتي أهلي وبيتي
لو يوم مشيتي إزاي هعيش.
